POP 5

Lajmet më të lexuara të 5 minutave të fundit

Kronikë

Zbardhet lista për garën e shefave të 48 Komisariateve! 102 kandidatë morën më shumë se 70 pikë, 16 u skualifikuan dhe 23 u tërhoqën (RENDITJA)

Komisioni i Vlerësimit të Aplikimeve për përzgjedhjen e 290 kandidatëve për pozicionin “Shef Komisariati”, pas shqyrtimit të dokumentacionit dhe intervistës së kandidatëve, shpalli listën e pikëve të fituara gjatë procesit të konkurrimit. Nga 251 që u kualifikuan, vetëm 102 kapën 70 pikë e sipër. Edhe 4 gra nga 9 e kapën kuotën e pikëve

Zbardhet lista për garën e shefave të 48 Komisariateve! 102 kandidatë morën më shumë se 70 pikë, 16 u skualifikuan dhe 23 u tërhoqën (RENDITJA)

Policia e Shtetit

Policia e Shtetit zbardh listën e 102 nga 290 kandidatët që aplikuan për 48 vëndet e reja në krye të Komisariateve.

Komisioni i Vlerësimit të Aplikimeve për përzgjedhjen e kandidatëve për pozicionin “Shef Komisariati”, pas shqyrtimit të dokumentacionit dhe intervistës së kandidatëve, të cilët kanë aplikuar për këtë pozicion, shpalli listën e pikëve të fituara gjatë procesit të konkurrimit.

Gjatë fazës së  aplikimit, shprehën interes 290 kandidatë, ndërkohë që gjatë fazës së verifikimit të dokumentacionit 16 prej tyre u skualifikuan, pasi nuk plotësonin kriteret për të vijuar konkurrimin.

Gjatë fazës së intervistimit, janë tërhequr nga konkurrimi 23 aplikantë. Nga 251 konkurrentë, 102 prej tyre kanë fituar më shumë se 70 pikë (dhe ne zbatim të rregullores u lind e drejta për tu emëruar). 

“Të gjithë konkurrentet kanë të drejtën e ankimimit pranë Komisionit të Shqyrtimit të Ankesave brenda 2 ditësh nga momenti i publikimit në faqen zyrtare të Policisë së Shtetit të vendimit, me vlerësimin përfundimtar të secilit”, thuhet në njoftimin zyrtar.

Janë në total 48 komisariate dhe priten 48 emërime nga kryepolici Ilir Proda. Komisioni përbëhej nga kryetarja Alma Përmeti, Ervina Gjana dhe Anisa Duçkollari si anëtare, teksa lista mban datën 11 Dhjetor (sot), pas përfundimit të konkursit.

Gazetari i Report TV, Sokol Dema, informon se mbi 70 pikë kanë mundur të marrin 4 nga 9 gratë në garë, Vera Vasia dhe Alda Prela, Nertila Meta dhe Edjona Dano.

 

Kliko këtu për të lexuar dokumentin e plotë

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ina: 11/12/2024 20:52

    Boboo prap shef ky altin lila ushtari emiljano shullazit?

    Përgjigju
  • Polic #: 11/12/2024 19:59

    Respekt për 23 çunat që nuk kanë pranuar të bëhen pjesë e komedisë së radhës në policinë e shtetit.

    Përgjigju
  • Sondazhi i ditës:
    10 Dhjetor, 10:15

    Në përplasjen Veliaj-Berisha kujt i jepni të drejtë?

Lajme të tjera



×

Lajmi i fundit

Këto janë 4 shenjat e horoskopit që adhurojnë jetën e luksit

Këto janë 4 shenjat e horoskopit që adhurojnë jetën e luksit

11 Dhjetor, 22:30