Policia e Vlorës ka bërë të mundur identifikimin autorëve të cilët dyshohet se dogjën dje dy automjete në fshatin Bunavi.
Në përfundim të veprimeve hetimore paraprake është kryer arrestimi i shtetasve dhe procedimi në gjendje të lirë dhe një tjetër shtetas.
Klemend Dautaj, 32 vjeç, banues në Vlorë dhe Arsen Alimuçaj, 25 vjeç, banues në fshatin Babicë e Vogël, Vlorë.
Shtetasit e mësipërm për motive ende të paqarta dyshohen se kanë djegur automjetin “Ford-Fugon, në pronësi të shtetasit N.A., (babai Arsenit) dhe mjetin tip Volkswagen-Golf, në pronësi të shtetases R.D., (nëna e Klemendit).
Gjithashtu, do të hetohet në gjendje të lirë shtetasi, N.A., 55 vjeç, banues në fshatin Babicë e Vogël pasi ka dhënë deklaratë të rreme përpara oficerit të policisë gjyqësore.
Vijon puna për zbardhjen dhe dokumentimin e plotë të kësaj ngjarje.
Materialet hetimore i kaluan Prokurorisë së Rrethit Gjyqësor Vlorë, për veprat penale ''Shkatërrimi i pronës me zjarr'', ''Veprime që pengojnë zbulimin e së vërtetës'' dhe ''Deklaratat e rreme përpara oficerit të policisë gjyqësore'', të parashikuara nga nenet 151, 301, dhe 305/b të Kodit Penal.
Komente
Po c'mister ka ketu, e bejne per te fituar azil ne vendet ku kane ndermend te shkojne zhulsat.
Përgjigju