POP 5

Lajmet më të lexuara të 5 minutave të fundit

Politikë

Zbardhet vendimi, Edi Rama
ndryshon protokollin e Nanos

Zbardhet vendimi i parë i qeverisë së Edi Ramës që ka të bëjë me zëvendëssimin e portretit të presidentit, Bujar Nishani me atë të Ismail Qemalit.
Ja teksti i plotë i Kodit Etik
Detajet e pr/ligjit qe ndalon importin e plehrave
Në “Euronews”: Shqipëria gati për integrimin në BE
Rama: Investimet kineze, rol të dorës së parë
Zbardhet vendimi i parë i qeverisë së Edi Ramës që ka të bëjë me zëvendësimin e portretit të Presidentit, Bujar Nishani me atë të Ismail Qemalit. Ky vendim zhbën atë të parin që është miratuar në vitin 2004 nga ish-kryeministri Fatos Nano. Zëvendësimi i fotos së presidentit të vendit me atë të Ismail Qemalit pritet që të sjellë ndryshim në ligjin “Për shërbimin e jashtëm të Republikës së Shqipërisë”, vendim ky që është marrë që në vitin 2004. “Në mbështetje të nenit 100 të Kushtetutës dhe të neneve 12, pika 2, dhe 49, pika 1, të ligjit nr.9095, datë 3.7.2003, “Për shërbimin e jashtëm të Republikës së Shqipërisë”, me propozimin e Kryeministrit dhe të ministrit të Punëve të Jashtme, Këshilli i Ministrave. Vendosi: “Në pikën 1.18, të kapitullit III, “Simbolet e Republikës”, të ceremonialit zyrtar të Republikës së Shqipërisë, bashkëlidhur vendimit nr.229, datë 23.4.2004, të Këshillit të Ministrave, të ndryshuar, fjalët “vendoset portreti i Presidentit të Republikës.” zëvendësohen me “vendoset portreti i themeluesit të shtetit modern shqiptar, Ismail Qemali, që i bashkëlidhet këtij akti”, thuhet në vendimin e mirayiar nga Këshilli i Ministrave. Ndërkohë që në krahasim me vendimin e mëparshëm citohet qartë se cila foto duhet që të vendoset në zyrat e administratës publike.

“Në zyrat e administratës publike, duke filluar nga niveli drejtor drejtorie deri te titullarët e dikastereve dhe në përfaqësitë diplomatike shqiptare jashtë shtetit është e detyrueshme të vendoset portreti i Presidentit të Republikës”, thuhet në vendimin e mëparshëm të miratuar në vitin 2004.

Baza ligjore
Sipas kryeministrit Edi rama ky ndryshim i ligjit bazohet në Kushtetutë, duke cituar këtu edhe nenin 100 të saj. Në Kushtetutë thuhet se “Këshilli i Ministrave përcakton drejtimet kryesore të politikës së përgjithshme shtetërore. Këshilli i Ministrave merr vendime me propozim të Kryeministrit ose të ministrit përkatës.  Mbledhjet e Këshillit të Ministrave bëhen të mbyllura. Aktet e Këshillit të Ministrave janë të vlefshme, kur nënshkruhen nga Kryeministri dhe ministri propozues. Këshilli i Ministrave nxjerr vendime dhe udhëzime”, thuhet në Kushtetutë.
 
Politizimi
Zëvendësimi i fotos së presidentit Nishani me atë themeluesit të shtetit, Ismail Qemali, u kthye në një betejë politike, ku vetë kreu i shtetit, e konsideroi si shenjë urrejtje ndaj tij që u propozua në këtë post nga Partia Demokratike.


Shkrimi u publikua sot (19.09.2013) në gazetën Shqiptarja.com (print)

Redaksia Online
(a.ç/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Në hetim për ndërtimin e një trotuari, SPAK kërkon pushimin e çështjes për Pjerin Ndreun

Në hetim për ndërtimin e një trotuari, SPAK kërkon pushimin e çështjes për Pjerin Ndreun

9 Janar, 19:25 nga Keti Banushi