POP 5

Lajmet më të lexuara të 5 minutave të fundit

Kronikë

Zbardhet vendimi i gjykatës për Luan Dacin, Apeli nxjer 'nul' akuzën, s’ka kryer falsifikim të dokumentave

Argumentet e Gjykatës së Apelit Tiranë, që çuan në kthimin në detyrë të Luan Dacit. Prokuroria pritet të rekursojë çështjen në Gjykatën e Lartë.

Zbardhet vendimi i gjykatës për Luan Dacin, Apeli nxjer 'nul' akuzën, s’ka kryer falsifikim të dokumentave

Luan Daci

Gjykata e Posaçme e Apelit Tiranë thotë se anëtari i Komisionit të Posaçëm të Apelimit, Luan Daci, nuk ka kryer falsifikim të dokumentave, në mosdeklarimin e masës disiplinore të shkarkimit si gjyqtar. Kështu shprehen në vendimin e zbardhur dy gjyqtarët e Apelit Dhimitër Lara dhe Nertina Kosova, të cilët vendosën të rikthejë në detyrën e anëtarit të KPA, Luan Dacin.

Gjykata në argumentimin e saj, citon duke pohuar se:”…në vështrim të argumenteve të prokurorit dhe provave të parashtruara nga ai, ky kolegj verifikon se ato përfaqësojnë ose provojnë faktin së largimit nga detyra e gjyqtarit për shkelje të ligjit dhe paaftësi në detyrë, ashtu dhe të mosdeklarimit të kësaj mase disiplinore nga i hetuari Luan Daci…”. Mirëpo pavarësisht njohjes së faktit të shkarkimit dhe mosdeklarimit në formular nga ana e Luan Dacit, gjykata nënvizon se këto fakte, janë të ndryshëm nga pretendimi i prokurorisë se ai ka falsifikuar dokumente.

Nisur nga ky argument gjykata vë në pikëpyetje dhe dyshime të forta qëndrueshmërinë e akuzës së falsifikimit të dokumentave të ngritur nga prokuroria, duke çuar këtë çështje penale ndaj anëtarit të KPA-së, drejt dështimit. “…mosparaqitja, mosshënimi apo sidoqoftë mohimi nga Luan Daci, i masës disiplinore të largimit nga puna është një fakt që i mungon kundërligjshmëria…”, shprehet gjykata e Posaçme e Apelit Tiranë. Pritet që në ditët në vijim prokurori i çështjes Klodian Braho, do i drejtohet me një rekurs Gjykatës së Lartë, ku do kërkojë pezullimin nga detyra të Luan Dacit.

Prokuroria e Posaçme SPAK, shprehet e bindur se anëtari i KPA-së, Luan Daci, ka konsumuar elementët e “Falsifikimit të dokumentave”, pasi ka fshehur në formular shkarkimin si gjyqtar i paaftë, vendim ky që është marrë nga Këshilli i Lartë i Drejtësisë.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Spahiu: PD t’i thotë shqiptarëve pse refuzoi numërimin elektronik, por vendosi me komisionerë? Forcat e mëdha s'e shkrijnë dot SPAK-un

Spahiu: PD t’i thotë shqiptarëve pse refuzoi numërimin elektronik, por vendosi me komisionerë? Forcat e mëdha s'e shkrijnë dot SPAK-un

31 Mars, 22:55