Zbardhet vrasja e 25-vjeçarit në Babicë të Vlorës, 39-vjeçari e qëlloi me plumb në kokë pas sherrit për borxhin! U nisën nga Tirana në Vlorë për çështje të trafikut të drogës

Vrasja e të riut Xhulian Bullari në Vlorë dyshohet se ka ardhur për shkak të konflikteve për çështje droge. Burime bëjnë me dije se viktima Bullari dhe autori Bledar Selmanaj janë nisur së bashku nga Tirana në Vlorë për çështje që lidhen me trafikun e lendëve narkotike.

Shkak për vrasjen është bërë një borxh që viktima i kishte autorit, një shumë parash, dhe kjo ka bërë që konfliktet të agravohen. Në debat e sipër ai e ka qëlluar brenda në automjet duke e lënë te vdekur në vend.

Selmanaj ka pranuar në Polici që e ka shoqëruar deri në Vlorë me makinë Bullarin, por nuk ka pranuar autorësinë e krimit. Pavarësisht kësaj, ka prova të qarta që e implikojnë në vrasje. Selmanaj ka qenë i dënuar më herët për vjedhje.

Lajmi kryesor:

E qëlloi me plumb në kokë pas sherrit për borxhin e drogës, arrestohet në 'Bllok' autori i vrasjes së 25-vjeçarit Xhuliano Bullari në Vlorë! Armën e groposi në oborrin e shtëpisë

TAG:
• Vlore