Zbardhet vrasja e Altin Alikajt, trupi i të cilit u gjet i pajetë në banesën e tij në Vlorë nga e ëma, ndërsa ishte shpallur në kërkim 8 ditë para se të gjendej i vdekur! Policia e Vlorës ka arrestuar si autor të dyshuar për vrasjen e 46-vjeçarit, shtetasin Shazi Ahmetaj, 23 vjeç banues në Kolonjë, Lushnjë si dhe shokut të tij Mateo Kiptiu, 30 vjeç, pasi dyshohet se ka ndihmuar autorin për tu fshehur, duke i siguruar një mjet të marrë me qira për lëvizjen e tij. Autori, Shazi Ahmetaj është me precedent të mëparshëm kriminal në fushën e narkotikëve dhe të vjedhjes. Në momentin e ndalimit 23-vjeçarit iu gjet dhe iu sekuestrua në cilësinë e provës materiale 40.5 gram lëndë narkotike e dyshuar e llojit heroinë.
Policia thotë se vazhdojnë veprimet hetimore për të përcaktuar motivet e këtij krimi të rëndë, si dhe për identifikimin e personave të tjerë, që mund të jenë të implikuar në këtë ngjarje. Dy të arrestuarit akuzohen për veprat penale 'Vrasje me dashje", "Mbajtja pa leje dhe prodhimi i armëve, armëve shpërthyese dhe i municionit", "Prodhimi dhe shitja e narkotikëve" dhe " Përkrahja e autorit të krimit".
Report Tv ka zbardhur pistat e hetimit ku po hetohet vrasja e Altin Alikajt në Vlorë. Një nga pistat ku po hetohet është ajo e lëndëve narkotike pasi viktima njihej si përdorues i drogës dhe autori është më precedent në fushën e narkotikëve. Nuk përjashtohet as fakti se viktima mund t’i ketë pasur borxh autorit, çka ka çuar në përplasje mes tyre. Të dy njiheshin dhe qëndronin bashkë, sipas burimeve nga policia. Një tjetër pistë mbetet ajo e grabitjes së viktimës. Alikaj kohët e fundit kishte shuma të konsiderueshme në duar.
Ngjarja u regjistrua në lagjen "24 Maji", teksa Alikaj ishte shpallur në kërkim që prej datës 11 shkurt, ndërsa denoncimin në polici e kishte bërë kushëriri i tij. Në trupin e 46-vjeçarit është gjetur një plumb në shpatull, nga krahu i zemrës si dhe një frakturë në kokë, ku dyshohet se është goditur me sende të forta.
Nga ana tjetër, familjarët e tij dyshonin se vrasja ishte e mirëorganizuar. Sipas tyre, autori apo autorët kanë helmuar qentë e komshinjve, në mënyrë që të mos lehnin për të sinjalizuar futjen e tyre në banesë dhe po ashtu kanë ulur automatin në shtëpinë e viktimës. Po ashtu ata kanë deklaruar se në banesë kanë gjetur edhe një sëpatë me gjak, me të cilën dyshohet se është goditur viktima.
Pas arrestimit autorit të dyshuar Shazi Ahmetaj dhe bashkëpunëtorit të tij Mateo Kiptiu, Report Tv ka zbardhur pistat e hetimit ku po hetohet vrasja e Altin Alikajt në Vlorë.
Burime kanë konfirmuar se viktima dhe autori kishin njohje me njëri-tjetrin. Një nga pistat ku po hetohet është ajo e lëndëve narkotike pasi viktima njihej si përdorues i drogës dhe autori është më precedent në fushën e narkotikëve. Kështu që pistë hetimi mbetet ajo e prishjes së pazareve të drogës.
Nuk përjashtohet as fakti se viktima mund t’i ketë pasur borxh autorit, çka ka çuar në përplasje mes tyre. Të dy njiheshin dhe qëndronin bashkë sipas burimeve nga policia. Ai e njihte mirë zonën, ku banonte viktima.
Një tjetër pistë mbetet ajo e grabitjes së viktimës. Alikaj kohët e fundit kishte shuma të konsiderueshme në duar. Të dy personat dyshohet se kanë qenë bashkë në banesë dhe pasi kanë konsumuar lëndë narkotike, autori e ka qëlluar me plumb në kokë. Dyshohet se i ka marrë lekë dhe është larguar nga vendngjarja. Prej disa kohësh autori sipas burimeve ka qëndruar në banesën e viktimës.
Lajme të tjera
-
Albcontrol 39,7 milionë lekë për pajisjet e Kullës së Kontrollit në Aeroportin e Vlorës
26 Dhjetor, 15:35 -
Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim
26 Dhjetor, 15:20 -
Zyrtare/ Bruno Telushi rikthehet në shtëpi pas 7 vitesh, firmos me Flamurtarin
26 Dhjetor, 10:55 -
Krimi në familje në Sarandë, e arrestuara shtang hetuesit: Tentova ta vrisja dhe më parë bashkëshortin, nuk kisha arsye!
25 Dhjetor, 15:53
-
Në Himarë babagjyshi vjen nga deti, parada dhe koncerti festiv (VIDEO)
25 Dhjetor, 13:12 -
Çelet tenderi 95 mln lekë për projektin e rehabilitimit të hekurudhës Rrogozhinë-Vlorë dhe lidhjen me aeroportin
25 Dhjetor, 12:39
-
Kreu i Burgjeve dhe kryebashkiaku i Vlorës firmosin marrëveshje: Ndihmë të dënuarve që të riintegrohen në shoqëri dhe për një fillim të ri
24 Dhjetor, 20:29 -
Emigrantët kthehen për festa! Çdo ditë mbi 1 mijë pasagjerë mbërrijnë në portin e Vlorës
24 Dhjetor, 16:12
-
Sarandë/ Konflikt në familje, gruaja vret burrin në fshatin Metoq (EMRAT)
24 Dhjetor, 08:47 -
Vlorë/ Plagosi me thikë 19 vjeçarin, arrestohet 44 vjeçari! I riu te Trauma
23 Dhjetor, 17:58 -
Vlorë/ Sekuestrohen rreth 32 mijë euro cash në port, procedohen 2 shoferët! Ishin fshehur në sediljen e autobusit të agjencisë së udhëtimit
23 Dhjetor, 16:09 -
Selenicë, Guri Selimi rrezikon jetën, prej vitesh i braktisur! 77-vjeçari pa strehë, pa ushqim e veshje endet rrugëve
23 Dhjetor, 10:08
