POP 5

Lajmet më të lexuara të 5 minutave të fundit

Kultura

Zbulimi arkeologjik në Durrës, Report Tv siguron imazhet ekskluzive! Arkeologia: Një nga zbulimet më kryesore në 3 dekada

Report tv siguron imazhet ekskluzive të objekteve dhe zbulimit arkeologjik të gjetur në zonën arkeologjike “A” në Durrës ku pritej të rindërtohej shkolla 9-vjeçare “Eftali Koçi” me fondet e BE. Arkeologia Iris Pojani që është marrë me gërmimet thotë se këto gjetje në qytetin bregdetar, mund të jenë ndër më kryesoret të tri dekadave të fundit

Pas videos së gjurmëve të strukturës së murit të vjetër, të zbuluar gjatë gërmimeve në zonën ku do të rindërtohej shkolla 9-vjeçare 'Eftali Koçi' në Durrës,  Report tv, sjell fotografi të detajuara të fragmenteve të mureve rrethuese, që mendohet të datojnë në shekujt IV-III p.e.s.

Imazhet përcillen për televizionin nga vetë arkeologia e licensuar Iris Pojani, që ka ndjekur procesin e gërmimit, e cila thekson se këto zbulime, ku përfshihen edhe punime qeramike, objekte metalike etj., mund të jenë ndër më kryesoret të realizuara në qytetin bregdetar në 30 vitet e fundit.

Arkeologia Pojani pohon se për zbulimin në fjalë është hartuar një raport i detajuar që është dorëzuar pranë Ministrisë së Kulturës, ndërkohë, për vetë rëndësinë që ai ka, Instituti Kombëtar për Trashëgiminë Kulturore mori vendim më datë 3 qershor 2022 për ruajtjen e gjetjeve arkeologjike. Shkolla “Eftali Koçi” ishte në proces rindërtimi përmes fondeve të Bashkimit Evropian.

E gjithë hapësira në fjalë është pjesë e zonës arkeologjike A të qytetit 3000-vjeçar dhe gjetjet e deritanishme mund të jenë vetëm fillesat e një zbulimi edhe më të rëndësishëm që mund të dalë në dritë në vijim.

Mijëra statuja të vogla prej balte të pjekur u gjetën në këtë kodër në një zbulim masiv të bërë në vitin 1970 nga arkeologu Vangjel Toçi.

Ndër vite arkeologët kanë folur për sanktuarin apo tempullin e perëndeshës Artemis, që ngrihej aty në lashtësi.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gingi: 25/08/2022 18:49

    Durresi esht POMPEI i Shqiperise. Per 10 kacidhe kane ndertuar ato shemtira ndertesash duke groposur histori. Arkeologji e kulture qe do prodhonte te ardhura ne jet te jeteve ne qofte se do kish nje fund marrezie..do ish shkaterrimi i ndertaseva ne durres. Pa frk e turp.sic kan bere vangjushi e zagaret injorant kush pengon oduke groposur e.fshire cdo gjurme.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Berisha me gratë demokrate të LDG: Kjo është qeveria e Luciferit, shqiptarët kanë marrë arratinë! Ministret e Ramës pa forcë morale

Berisha me gratë demokrate të LDG: Kjo është qeveria e Luciferit, shqiptarët kanë marrë arratinë! Ministret e Ramës pa forcë morale

25 Dhjetor, 19:13