POP 5

Lajmet më të lexuara të 5 minutave të fundit

Kronikë

Baza e falsifikimit të dokumenteve u zbulua nga përgjimet! Autorët bënin certifikata për tjetërsim prone e zgjerim kufiri

Përgjimet ishin provat që zbuluan grupin kriminal të falsifikimit të vulave të institucioneve shtetërore. Të arrestuarit Çlirim Bregu e Arben Rushiti, falsifikonin certifikata pronësie dhe martesash që klientët i përdornin jashtë shtetit. Pronat me dokumente false në Kashar, Kamëz dhe jo vetëm

Çlirim Bregun dhe Arben Rushitin, Krimi Ekonomik në Policinë e Shtetit i njihte shumë mirë dhe veprimtarinë e tyre kriminale të falsifikimit e kishte trajtuar edhe më herët. Së fundmi hetuesit kuptuan se punat e pista jo vetëm që nuk e kishin harruar, por e intensifikuan më shumë. Pas informacioneve se shpërndanin dokumente të falsifikuara u vunë në përgjim, dhe përmes tyre u garantuan prova, të cilat bindën hetuesit për të ndërhyrë në operacionin që e koduan “Vula”.

Sipas burimeve, dy të arrestuarit Bregu dhe Rushiti, prej kohësh kishin arritur të ngrinin skemën e mashtrimit të falsifikimit, kryesisht të certifikatave të pronësisë së tokës dhe dokumenteve të martesave që klientët do i përdornin jashtë shtetit për përfitime dokumentesh. Të njëjtat burime thonë se ka shumë raste ku të arrestuarit, kundrejt pagesës, e cila varion nga disa qindra në disa mijëra euro, kanë tjetërsuar prona apo kanë zgjeruar kufijtë e tyre, kryesisht në Kashar dhe Kamzë, por nuk mungojnë edhe rastet nëpër zona të tjera.

Dokumentet e sekuestruara po verifikohen nga Krimi Ekonomik. Ndërkohë, vulat që u gjetën në firmën e tyre në Kashar, prodhoheshin nga vetë Bregu e Rushiti dhe i përkasin shumë institucioneve, përfshirë këtu njësi të ndryshme administrative, e deri në prefekturë.

Gjatë ekzekutimit të operacionit, policia gjeti dhe arrestoi në flagrancë edhe një të tretë, i cili po kryente pagesën për marrjen e një dokumenti fals. Brenda ambienteve të firmës u gjetën edhe 210 shishe me verë kontrabandë, një zakon i vjetër i pronarit Çlirim Bregu. Bregu rezulton i dënuar më parë, pasi në dhjetor 2018 u arrestua pasi tentoi që të fusë në vendin tonë 8 mijë litra verë kontrabandë. Burime pranë policisë thonë se ai për vite të tëra njihet si falsifikator dhe për këtë në të shkuarën ka bërë edhe burg.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46