TIRANE- Katër raste të kultivimit të kanabisit u goditën sot nga policia e shtetit. Karakteristikë e këtyre rasteve është se parcelat ngrihen në mes të pacelave të tjera që janë të mbjella mes bimëve të tjera me qëllim që të jetë i vështirë identifikimi i tyre.
Në Krujë është shpallur në kërkim një 24 vjeçar, ndërsa në Vlorë u arrestuan babë e bir. Në fshatin Mafsheq të Krujës u zbuluan 2 ambiente të përshtatura për kultivim të kanabisit mes një parcelë ku ishin mbjellë perime, 28 bimë cannabisi të mbjella dhe 116 fidanë të dyshuar narkotikë cannabis, gati për t'u mbjellë u sekuestruan në cilësinë e provës materiale. Në kërkim është shpallur një 24 vjeçari me inicialet E. D për veprën penale "Kultivimi i bimëve narkotike", parashikuar nga neni 284 i Kodit Penal.
Në Vlorë parcela me 135 bimë kanabis u gjet në fshatin Rromës, në vendin e quajtur “Përroi i njomë”.
Në Shkodër parcelat me kanabis u zbuluan në Postribë ku janë gjetur dhe asgjësuar 2946 bimë narkotike dhe 1385 fidanë në kubikë dhe po hetohet në gjëndje të lirë kreu i njësisë administrative. Ndërsa në Velipojë në fshatin Baks, ku janë gjetur dhe asgjësuar 290 bimë kanabisi u arrestua një 43 vjeçar.
Kontrollet janë në kuadër të operacionit të koduar "Territori i pastër'
SHKODËR - Dy raste të kultivimit të kanabisit janë goditur nga policia në kuadër të megaoperacionit ‘Territor i pastër’.
Në Postribë janë gjetur dhe asgjësuar 2946 bimë narkotike dhe 1385 fidanë në kubikë. Ndërkohë që ka nisur hetimi për kreun e kësaj njësie administrative, R.M., 34 vjeç.
'-shërbimet e Komisariatit të Policisë Shkodër, në Postribë, gjetën dhe asgjësuan 2946 bimë narkotike dhe 1385 fidanë në kubikë. Në vijim të veprimeve procedurale, u referuan materialet në Prokurori, ku nisi procedimi në gjendje të lirë, për veprën penale “Shpërdorimi i detyrës”, për kryetarin e njësisë administrative Postribë, shtetasin R. M., 34 vjeç;', thuhet në njoftimin e policisë.
Ndërsa në Velipojë, në fshatin Baks, janë gjetur dhe asgjësuar 290 bimë kanabisi. Si rezultat i veprimeve policore u vu në pranga A.T., 43 vjeç, banues në Velipojë, si i dyshuar kryesor për kultivimin e bimëve në Baks.
'-shërbimet e Stacionit të Policisë Velipojë, në fshatin Baks, gjetën dhe asgjësuan 290 bimë cannabisi. Si rezultat i hetimeve dhe veprimeve profesionale policore, u identifikua, kap dhe u arrestua autori i dyshuar i kultivimit të këtyre bimëve, shtetasi A. T., 43 vjeç., banues në Velipojë.', vijon më tej njoftimi.
Sakaq, vijon puna e policisë për identifikimin dhe nxjerrjen përpara ligjit të autorëve të tjerë të dyshuar si përgjegjës për këtë veprimtari kriminale, teksa megaoperacioni ‘Territor i pastër’ vijon ende.
VLORË - Një rast i kultivimit të kanabisit është goditur nga policia në Vlorë, në fshatin Rromës, në kuadër të megaoperacionit kombëtar ‘Territor i pastër’.
Në pranga janë vënë dy shtetas, babë e bir, N.B., 58 vjeç dhe A.B., 26 vjeç, përgjegjës për kultivimin e bimëve narkotike.
Policia mundi të sekuestrojë 135 fidanë dhe bimë narkotike kanabis sativa, të cilat u gjetën në Rromës në vendin e quajtur ‘Përroi i njomë’.
'Si rezultat i një hetimi me metoda proaktive dhe i kontrolleve në të gjithë territorin e qarkut, të kryera në kuadër të megaoperacionit kombëtar anticannabis të koduar “Territor i pastër”, Sektori i Narkotikëve i DVP Vlorë ka goditur një rast të kultivimit të bimëve narkotike, në fshatin Rromës, në vendin e quajtur “Përroi i njomë”, ku u gjetën të mbjellë 135 fidanë dhe bimë narkotike cannabis sativa.
Në vijim të veprimeve hetimore, u ndaluan 2 autorët e dyshuar të kësaj veprimtarie kriminale, shtetasit N. B., 58 vjeç dhe A. B., 26 vjeç (babë e bir), banues në Vlorë.', thuhet ndwr tw tjera nw njoftimin e policisw.
Ndërkohë materialet proceduriale i janë kaluar Prokurorisë së Vlorës.
Lajme të tjera
-
Artisti nga Kosova, Eshref Qahili vjen në Durrës me ekspozitën e veçantë ‘Arti bashkëkohor kosovar në kohën e inteligjencës artificiale’
23 Nëntor, 16:54
-
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Moti i keq, rrethi i Krujës pa drita! 6000 banorë mbeten në terr
22 Nëntor, 18:38 -
Moti i keq/ Anulohet për mbrëmjen e sotme lundrimi i trageteve nga Durrësi drejt Barit dhe anasjelltas
22 Nëntor, 13:40 -
Kushërira e Kryemadhit shkon në gjykatë për të mbrojtur të birin, Ardian Kona: Është ‘viktimë’ ka firmosur pa dijeni për 13 mijë metra katrorë tokë në Gjirin e Lalzit
22 Nëntor, 13:13
-
Privatizuan 13 mijë metra katrorë tokë shtet tek Gjiri i Lalzit, 'arrest me burg' ish-kreut të Kadastrës së Durrësit! Ardian Kona i afërm i Monika Kryemadhit
22 Nëntor, 11:35 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Ekstradohet një 62-vjeçar nga Gjermania, akuzohet se kanosi një shtetase për t'i marrë 5000 euro, i ngacmoi seksualisht mbesën
21 Nëntor, 15:29 -
Tentoi të dilte nga Shqipëria me pasaportë bullgare false, arrestohet një turk në Portin e Durrësit
21 Nëntor, 13:29 -
Durrës/ Aksidentoi për vdekje të moshuarën, vihet në pranga 61-vjeçari
21 Nëntor, 11:53 -
Moti i keq/ Lundrimi për peshkarexhat i pezulluar edhe në Durrës
21 Nëntor, 10:16 -
Privatizuan 13 mijë metra katrorë tokë shtet tek Gjiri i Lalzit, me letra false, arrestohet ish-kreu i Kadastrës së Durrësit! Ardian Kona, i afërm i Kryemadhit! U zbulua nga përgjimet (EMRAT)
20 Nëntor, 16:38
