Zbulohen detaje të reja nga droga e kapur në Brazil.
Është zbuluar identiteti i katër personave të arrestuar në datën 1 tetor, pasi iu gjetën 617 kg kokainë teksa po udhëtonin me kamion, ku destinacioni i tyre dyshohet të ishte Shqipëria.
Ata janë: P. O. O. C. 24 vjeç; M. A. P. 49 vjeç; N. P. 52 vjeç dhe J. C. G. A. 40 vjeç.
Lidhja e drogës së kapur në Brazil me Shqipërinë është se mbi të ishte vulosur 'K.F. Elbasani', klubi i një prej skuadrave të futbollit të vendit tonë.
Gjithashtu nisur nga inicialet, njëri nga personat e arrestuar N. P. 52 vjeç mund të jetë shqiptar, pasi vetëm ai ka iniciale të shkurtra dhe emrat e Amerikës Latine në përgjithësi janë shumë të gjatë.
Në kamionin e bardhë Mercedes Bens 1620 me targa të Pontes Lacerda CVN3518, u gjet sasia e 617 kg kokainë, që kishin të vulosur K.F. Elbasani.
Sipas medias së huaj, kamioni ishte nën shënjestër të policisë pasi disa persona ishin ankuar më parë.
Personat e arrestuar, pronën e kishin kthyer në një rafineri të ambalazhimit të kokainës.
Në pronën që ndodhej në Gleba Tibaji afër Brasnorte u gjet një sasi e madhe e lëndëve narkotike dhe materiale të ndryshme për mbështjelljen e vendosjen e drogës.
Përvec 617 kg drogë, policia sekuestroi edhe disa tableta të substancës hidroklorur kokainë dhe 2 tableta të një lënde të pastës së kokainës.
Policia sekuesteroi kamionin e mallrave tip Mercedes 1620 me targa CVN3518, një fiat të bardhë me targa NDH7227 dhe një fiat me ngjyrë argjendi me targa NJU9234.
Nq ka ndonje shqiptar aty,eshte ai majtas... Gjithsesi edhe neper bote kapen vetem çiraket,boset jane ne zyra dhe vila
Përgjigju