POP 5

Lajmet më të lexuara të 5 minutave të fundit

Tirana

Zbulohet projekti i Parkut Rinia/ Veliaj: Nisim një transformim unik (FOTO)

Parku Rinia do të kthehet në një hapësirë që do të ofrojë më shumë mundësi për qytetarët e të gjitha moshave dhe do të jetë një pikë tjetër atraktive që i shtohet kryeqytetit ashtu si Pazari i Ri, apo Sheshi Skënderbej.

Zbulohet projekti i Parkut Rinia/ Veliaj: Nisim një transformim unik (FOTO)

Bashkia e Tiranës ka nisur transformimin e Parkut Rinia në një park qendror të qytetit dhe që do të shërbejë jo vetëm si vend relaksi për të rriturit, por edhe si një hapësirë ku fëmijët mund të argëtohen dhe të kaliten fizikisht. Lajmin e bëri me dije vetë kryetari i Bashkisë së Tiranës, Erion Veliaj, i cili ka zbuluar edhe projektin se si do të duket Parku Rinia pasi të mbarojë puna. Siç shihet edhe nga fotot e projektit, Parku Rinia pritet që të transformohet në një ambient më të gjelbër, më argëtues dhe më funksional. 

"Nisën sot punimet për rikonstruksionin e Parkut Rinia. U çlirua nga Edi Rama prej kioskave të Republikës së Rrumpallës, e tani nisim një transformim unik për parkun qendror të kryeqytetit me hapësira shtesë për fëmijët dhe gjyshërit, por edhe katër-putroshët.", shkruan Veliaj në Facebook.

Parku Rinia do të kthehet në një hapësirë që do të ofrojë më shumë mundësi për qytetarët e të gjitha moshave dhe do të jetë një pikë tjetër atraktive që i shtohet kryeqytetit ashtu si Pazari i Ri, Sheshi Skënderbej, Kalaja e Tiranës etj. Transformimi i Parkut Rinia ishte një tjetër premtim i Veliajt për mandatin e dytë si kryetar Bashkie i Tiranës.

Krahas hapësirave të gjelbra dhe trotuareve moderne, Parku Rinia do të ketë tashmë edhe një reliev të ndryshëm në sipërfaqe të caktuara, çka do të nxisë edhe një aktivitet më fizik dhe intensiv për fëmijët. Duket se edhe në këtë mandat të dytë vëmendja e Bashkisë së Tiranës do të jetë së pari te fëmijët, për të cilët në këtë park do të ketë dhe kënd lodrash të posaçëm për ta.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mandi: 29/08/2019 13:19

    Pershendetje. Parku Rinia si gjithe qendra e Tiranes po behet shume mire. Mendoj te behet nje Liqen i vogel rreth 500 deri 1000 m2 qe te kete rosa, pata etj. Mendoj te kete me shume stola graniti ose metalike.

    Përgjigju
  • Qytetari: 18/07/2019 21:02

    Shume beton ! Nuk Ka ate siperfaqe, ku te egzagjerohet me pllaka dhe beton ! Qytetari

    Përgjigju
  • betoni: 18/07/2019 20:57

    super projekt. nga bar e kthejme ne beton me pak bar

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Pesha e padurueshme e diktaturave! Kur të zhveshurit ishim ne!

Pesha e padurueshme e diktaturave! Kur të zhveshurit ishim ne!

5 Nëntor, 20:12 nga Alba Malltezi