Specializantët në Qendrën Spitalore Universitare "Nënë Tereza" në Tiranë janë ngritur në protestë këtë të hënë në mbështetje të koleges së tyre e cila disa ditë më parë u dhunua teksa ishte në detyrë, nga familjarë të një pacienti të urgjencës.
Bluzat e bardha i paraprijnë kështu një proteste që do të mbahet nesër nga mjekët, në shenjë sensibilizimi ndaj kolegëve që janë dhunuar në detyrë.
Të mbledhur në ambientet e oborrit të QSUT-së, specialistët thanë se mbështesin kolegen e tyre, duke sqaruar njëherësh episodin e dhunës.
"Specializantja në shërbimin 24 orarësh, i paraqiti një vendim pacientit ku e njoftonte se të mërkurën, pacientët e urgjencave do të kalojnë tek Spitali "Shefqet Ndoqi". Kolegia vetëm sa njoftoi pacientin dhe kaq mjaftoi që familjarët dhe pacienti të ushtronin dhunë", treguan specializantët në protestë.
Ata thanë se është e papranueshme nga ana e tyre të tolerojnë dhunën. "Jemi këtu për tu respektuar denjësisht, për gjithë netët pa gjumë që ne i japim ndihmë pacientëve", u shpreh një prej specializanteve.
Ministria e Shëndetësisë ka nxjerrë urdhër të prerë që në urgjenca të mos lejohet prania e familjarëve të pacientëve, përveçse në rastet kur e kërkon mjeku. Ndërsa është vendosur një orar fiks se kur familjarëve u lejohet të takojnë familjarët e shtruar në spital.
Vetëm ditët e fundit janë dhunuar tre mjekë nga familjarë të pacientëve, disa prej tyre në gjendje të dehur. Një mjek u dhunua rëndë në Lezhë i cili u godit me mjete të forta, një mjek në Durrës u qëllua me tullë, dhe së fundi u dhunua edhe specializantja në QSUT.
Sipas një vendimi të qeverisë, çdo të mërkurë, pra katër herë në muaj urgjencat kirurgjikale përballohen nga Spitali Universitar "Shefqet Ndroqi". Sipas Ministrisë së Shëndetësisë, ky lloj organizimi është i domosdoshëm jo vetëm për shpërndarjen e ngarkesës së punës në të gjitha spitalet universitare, por edhe për ofrimin e një shërbimi sa më cilësor për pacientët.
Lajme të tjera
-
'Bota është në heshtje'/ Dëshmia prekëse në OKB e Tanya Haj-Hassan, mjekes vullnetare në Gaza (VIDEO)
30 Nëntor, 22:32 -
Skandali tek Onkologjiku/ GJKKO i heq masën 'arrest shtëpie' mjekut Edmond Gashi, e liron kundrejt garancisë 20 mln lekë të vjetra! SPAK do e apelojë
11 Nëntor, 13:43 -
Partia e Lirisë: Në vitin 2023 ikën 5 mijë mjekë, i ka dëbuar qeveria me ‘shëndetësinë falas’
9 Nëntor, 13:14 -
Britani/ Mjekët kërkojnë mbajtjen definitive të orës dimërore: Ora verore e dëmshme për shëndetin
24 Tetor, 16:13
-
Kushtetuesja riktheu në Kuvend ligjin për ‘diplomat’, PD: Sfidë e qeverisë të mbulojë mungesat e mjekëve
27 Janar, 15:40 -
Kredi për shtëpi me 0% interes, shpallen 85 mjekët e parë përfitues! Ministrja Koçiu: Së shpejti hapet faza e dytë e aplikimeve
7 Janar, 19:47 -
Vizitat në qendrat shëndetësore u rritën gjatë 2022-shit, por numri i mjekëve dhe infermierëve pësoi rënie si pasojë e emigracionit
4 Dhjetor 2023, 08:55 -
Emigrimi i mjekëve, humbjet neto nga shkollimi 45 mln euro
22 Korrik 2023, 08:30 -
Temperaturat e larta, Bashkia e Tiranës hap tenda me mjekë për të ndihmuar qytetarët
19 Korrik 2023, 18:47 -
Plani për të ndalur ikjen e mjekëve/ Dollenberg: Nisma për tu përgëzuar, por duhen kushtet! Mjeku Trepça: Rritja e rrogës do frenojë largimin
12 Prill 2023, 13:50 -
Mbi 3000 euro viti për studimet ose 3 vite punë në Shqipëri! Plani i Qeverisë për të ndalur ikjen e mjekëve të rinj nga vendi! U 'mbahet' diploma
12 Prill 2023, 11:58 -
Sot dita botërore e mjekëve, Presidenti Begaj uron ‘bluzat e bardha’: Respekt dhe mirënjohje
30 Mars 2023, 09:26
