Hulumtuesit në Uells dhe Angli e kanë zhvilluar një ilaç shumë efektiv kundër astmës, dhe gjatë procesit mund ta kenë zbuluar shkakun themelor të çrregullimit.
Në një studim së fundi, shkencëtarët e hulumtuan çrregullim e frymëmarrjes nëpërmjet modeleve të rrugëve të frymëmarrjes në minjtë dhe njerëzit, duke përdorur inde nga njerëzit astmatik dhe joastmatik.
Puna e tyre e identifikoi receptorin ndjesues kalcium të trupit (CaSR) si fajtorin kryesor i cili i shkakton simptomat e astmës – ngushtimi i rrugëve të frymëmarrjes, irritimi dhe inflamimi i rrugëve të frymëmarrjes.
Meqë pjesa më e madhe e sistemit imunitar të pacientëve me alergji reagon ndaj polenit apo grimcave të tjera, modelet e hulumtimit treguan se CaSR u tejngarkua kur indi astmatik u irritua nga stimujt e jashtëm.
Hulumtimi gjithashtu e tregoi efektivitetin mbresëlënës të një klase të barnave të njohura si calcilytic, të cilat manipulojnë me CaSR dhe në eksperimente laboratorike zmbrapsën simptomat e astmës. Calcilyticët aktualisht përdoren kryesisht për ta trajtuar osteoporozën.
“Gjetjet tona janë jashtëzakonisht emocionuese”, tha studiuesja kryesore Daniela Riccardi, profesoreshë në Shkollën e Bioshkencave në Universitetin Cardiff, në një njoftim për shtyp.
“Për herë të parë e kemi gjetur një lidhje të inflamacionit të rrugëve të frymëmarrjes, e cila mund të shkaktohet nga shkaqet mjedisore – si alergjenët, tymi i duhanit dhe tymi i makinave – dhe irritimi i rrugëve të frymëmarrjes në astmën alergjike”.
“Nëse ky hulumtim rezulton i suksesshëm, mund të jemi vetëm disa vjet larg nga një trajtim i ri për astmë, dhe kemi nevojë urgjente për investime të mëtejshme për ta dërguar atë më tej në hulumtimet klinike”, tha dr. Samantha Walker, drejtoreshë e politikave dhe e hulumtimit në Asthma UK.
Walker ishte me ndikim në financimin e kërkimit – një bashkëpunim mes shkencëtarëve në Universitetin e Cardiff, Kings College London dhe Klinika Mayo./Telegrafi
