Zbulohet 'shtëpi bari' në Koplik, kultivonin drogë në laborator me llamba! Sekuestrohet 22 kg lëndë narkotike dhe 700 rrënjë kanabis! Dy të arrestuar

Policia e Shkodrës ka zbuluar një 'shtëpi bari' në Koplik me 700 bimë narkotike të kultivuara, ku u gjetën gjithashtu dhe 22 kilogramë kanabis.

Gjatë kontrollit të banesës së 64-vjeçarit Ramiz Nikdukaj, u zbulua një ambient i përshtatur për kultivimin e bimëve narkotike, nëpërmjet llampave elektrike.

Gjatë kontrollit në banesë, u gjetën dhe u sekuestruan, rreth 22 kilogramë kanabis si dhe 455 rrënjë bimë  nartoktike të cilat ndodheshin brenda ambienteve të banesës, ndërsa 245 të tjera të cilat ishin të kultivuara në oborrin e shtëpisë së 64-vjeçarit.

Gjithashtu, gjatë operacioni policia arrestoi një 34-vjeçar me iniciale  A.L dhe një 64-vjeçar me iniciale B.K të cilët  u kapën duke punuar në amabinetet e banesës ku po kultivohej kanabisi. 

U shpallën në kërkim  Almir Nikdukaj, djali i Ramiz Nikdukaj, po ashtu  u procedua në gjendje të lirë vajza e tij.

Gjithashtu dhe vunë nën hetim 2 elektricistë të zonës, shtetasit P. I. dhe G. B, të cilët  akuzohen për shpërdorim detyre.

SI.E./Shqiptarja.com

TAG:
• Shkoder
• shtepi bari
• ramiz nikdukaj
• almir nikdukaj