Zbulohet skandali në Ekuador, 4 anëtarët e mafias shqiptare të lidhur me qeverinë! Si tentuan të merrnin poste të larta në ministri (EMRAT)

Në orët e para të mëngjesit të ditës së sotme, media ekuadoriane ‘La Posta’, ka prezantuar një raport policor ku shtetasi Rubén Chérrez lidhet me strukturën e mafias shqiptare, një organizatë kriminale ndërkombëtare e lidhur me trafikun e drogës.

Në orët e mëngjesit të kësaj të hëne, media dixhitale La Posta prezantoi një raport policor që do të lidhte shtetasin Rubén Chérrez me strukturën kriminale të njohur si ‘mafia shqiptare’, një organizatë kriminale ndërkombëtare e lidhur me trafikun e drogës.

Sipas mediave ekuadoriane, bëhet fjalë për shtetasit Dritan Gjika, Mario Vani, Blerim Dibra dhe Erjon Spahiu.

Me paraqitjen e pamjeve dhe regjistrimeve telefonike, produkt i hetimeve policore, u verifikua se ka patur një takim mes Chérrez dhe anëtarëve të mafies shqiptare në Guayaquil.  Zbulimi gazetaresk tregon gjithashtu marrëdhëniet e Chérrez me personalitete të afërta me qeverinë e Presidentit Guillermo Lasso dhe negociatat e tij për të marrë emërime në poste të larta brenda kompanive publike dhe ministrive.

Më poshtë tregohet sesi funksiononte grupi i bandës shqiptare dhe lidhjet që kishin me zyrtarë qeveritarë. Dritan Gjika i njohur si (HD Gran Hermano) dhe HD Baron janë krerët e bandës. Më pas vijnë 3 shqiptarët e tjerë HD Dibra, HD Barrioso dhe HD Maximo të cilët kishin lidhje direkte me zyrtarë të cilëve u kërkonin të ndërhynin në emërime të bëra në poste të larta. 

Skema e funksionimit të mafias shqiptare dhe lidhja me zyrtarët ekuadorianë

Gazetari Anderson Boscán dhe ekipi hetimor i La Posta kanë publikuar një raport të cilin komanda e lartë e Policisë Kombëtare shpresonte të mos dilte në dritë.

“Pas muajsh të gjatë hetimi, La Posta ka gjetur një dokument që gjeneralët e republikës, ministrat e presidentit dhe vetë presidenti besonin se ishte shkatërruar. Ky është një raport i inteligjencës kundër narkotikëve me bashkëpunimin e ambasadave të huaja në Ekuador në luftën kundër trafikut të drogës, i cili regjistron monitorimin e anëtarëve të ndryshëm të karteleve të trafikut të drogës dhe gjeti lidhje të thella, shqetësuese dhe zbuluese me qeverinë kombëtare”- thuhet mes të tjerash në raportin e publikuar.

Ai saktësoi se raporti ka 145 faqe dhe se do t'u dërgohet autoriteteve dhe instancave të ndryshme të drejtësisë, Kuvendit Kombëtar dhe mediave ndërkombëtare për të ditur detajet e hetimit.

Dokumenti i hartuar nga Prokuroria dhe Policia Kundër Narkotikëve, me karakter konfidencial, identifikohej me numrin 04-UCTCI-DAI-DNIA-2022.

Sfondi

Dokumenti iu dorëzua nga nënkoloneli i policisë Bolívar Zambrano Falcones prokurorit Marcelo Vasconez.

Raporti u dorëzua në 7 janar 2022 dhe ngjarjet e regjistruara datojnë në 5 maj 2021, kur agjentët e hetimit ndoqën një individ të identifikuar si HD León, i cili sipas burimeve, vizitoi një kompani të falimentuar në qytetin Manta. Kompania Osaka Fish u përdor nga mafia shqiptare si mbulesë për operacionet e organizatës kriminale.

Sipas raportit, atë 5 maj, në kompani mbërriti Rubén Chérrez, i cili do të lidhej me strukturën e Kumbarit të Madh dhe që është mik i kunatit të Presidentit Guillermo Lasso, Danilo Carrera.

Në një foto, Cherrez shihet në hyrje të kompanisë. Cherrez ka qenë i lidhur me hetimet për skemën e korrupsionit në kompanitë publike shtetërore. Në një një telefonatë të bërë publike, Chérrez negocionte pozicionet brenda ministrive me Danilo Carrera dhe në të cilën emërtohet ministri aktual i Jashtëm, Juan Carlos Holguín.

Telefonatat dhe marrëdhëniet

Në pjesën e dytë të hetimit për Kumbarin e Madh, u përmendën lidhjet e dyshuara të Chérrez me mafian shqiptare. Sipas raportit, Chérrez u takua sërish me anëtarët e organizatës kriminale në një kafene në Guayaquil, një takim që u regjistrua edhe në video. Ashtu si një takim i tretë i mbajtur më 10 qershor të po këtij viti 2021, kur ai u takua me një nga drejtuesit e grupit kriminal.

Raporti detajon përdorimin e automjeteve të ndryshme të nivelit të lartë, si Grand Cherokee, BMË dhe avionë të vegjël për të kryer lëvizjet e individëve që lidhen me hetimin.

Mediat e huaja shtojnë se brenda raportit do të kishte më shumë se 10 mijë transkripta të telefonatave, të gjitha të bëra me urdhër të gjykatës dhe në të cilat mund të konfirmohet lidhja e Chérrez me mafian shqiptare dhe struktura e çështjes së quajtur “Kumbari i Madh”.

Pozicioni i ndikimit të Danilo Carrera, kunatit të Presidentit të Republikës, është i shtrirë në të gjitha strukturat qeveritare. Raporti tregon  pamjet e një takimi midis Danilo Carrera dhe Rubén Cherrez që ndodhi më 14 korrik 2021 dhe më pas një tjetër më 29 korrik të po atij viti.

Carrera u identifikua nga hetuesit e çështjes si HD Dani dhe në një telefonatë tjetër më 1 korrik 2021, në një telefonatë prej 3:05 sekondash. Ai ra dakord të takohej dhe që gjenerali Victor Araus do ta thërriste për ta falënderuar.

Sipas La Posta, ngjarja ndodhi kur gjenerali në pension Victor Araus kërkoi mbështetje për një promovim, i cili u miratua përfundimisht. Gjatë mëngjesit, komisioni hetimor i Asamblesë Kombëtare së Ekuadorit, kërkoi paraqitjen e Presidentit Guillermo Lasso për të dhënë përgjigjie mbi pikëpyetjet që kishin por ky i fundit nuk u paraqit para deputetëve.

B.V/Shqiptarja.com

TAG:
• mafia shqiptare
• ekuador
• Dritan Gjika
• Mario Vani
• Blerim Dibra
• Erjon Spahiu