Zelensky: Bisedova me Xi Jinping për Krimenë, kthimin e të burgosurve dhe fëmijëve

Integriteti territorial i Ukrainës, kthimi i të burgosurve dhe kthimi i rreth 20 mijë fëmijëve të “rrëmbyer”. Këto janë temat e diskutuara nga presidenti ukrainas Volodymyr Zelensky dhe presidenti kinez Xi Jinping në bisedën e tyre telefonike dy ditë më parë.

Zelensky zbuloi detaje të bisedës së tij me liderin kinez, e para që nga pushtimi rus në Ukrainë. Gjatë bisedës telefonike, Zelensky dhe Xi folën për integritetin territorial të Ukrainës “duke përfshirë Krimenë të aneksuar nga Rusia” tha presidenti ukrainas në një konferencë shtypi në Kiev.

Zelensky vazhdoi duke thënë se ai gjithashtu i kërkoi Xi-t të përpiqej të bindë Moskën në lidhje me kthimin e të burgosurve të luftës ukrainas dhe rreth 20,000 "fëmijëve të rrëmbyer".

“E them hapur – shtoi ai – Për momentin vetëm Ukraina po e ndihmon Ukrainën me kthimin e fëmijëve tanë. Ka pasur përpjekje nga Kombet e Bashkuara, por pa rezultat”.

Lajmi kryesor:

Lufta/ Rusia sulmon pas 51 ditësh Kievin! Putin nënshkruan ligjin: Dëbohen nga rajonet e aneksuara të Ukrainës ata që nuk pranojnë shtetësinë ruse

SI.E./Shqiptarja.com

TAG:
• lufta ne ukraine
• rusia sulmon ukrainen