Kievi shkatërron një tjetër anije ushtarake ruse! NATO: Lufta po hyn në një fazë vendimtare! Evakuohen 50 civilë nga fabrika e çelikut në Mariupol!

Bluza e "famshme" ushtarake e Volodimir Zelenskyt është shitur mbi 100 mijë dollarë në një ankand për mbledhjen e fondeve për Ukrainën në Londër.

Çmimi final arriti në 90 mijë paund, ose rreth 111 mijë dollarë, duke mbledhur fonde jetike për ndihmën humanitare për Ukrainën, e cila u pushtua nga Rusia në shkurt.

Zelensky mbajti një fjalim në një lidhje video përpara ofertës në mbledhjen e fondeve ‘Brave Ukraine’, gjatë së cilës ai lavdëroi Mbretërinë e Bashkuar dhe ‘Borisin e guximshëm’, i cili e ka vizituar atë në Kiev.

“Përkrahni Ukrainën sonte miqtë e mi, në mënyrë që kryeqyteti i madh i lashtë evropian, Kievi të mos kërcënohet më kurrë, dhe që Ukraina të jetë e plotë dhe e lirë përsëri”, tha kryeministri Johnson.

Drejtori i CIA-s, William Burns, deklaroi këtë të shtunën se presidenti rus Vladimir Putin është në një gjëndje psikologjike ku nuk mund ta përballojë dot humbjen në Ukrainë. Burns ju referua faktit të dyfishimit të shtimit të ofensivës ruse në Ukrainë gjatë ditëve në fundit.

"Ai është në një kornizë mendore në të cilën nuk beson se mund të përballojë të humbasë. Unë mendoj se ai është i bindur tani se dyfishimi mund t'i mundësojë atij të bëjë përparim”, tha Burns

Burns tha gjithashtu se rreziku i përshkallëzimit të luftës në një konflikt bërthamor nuk duhet të nënvlerësohet gjatë fazës së dytë, edhe pse komuniteti i inteligjencës amerikane nuk sheh "prova praktike në këtë pikë të planifikimit rus për vendosjen të armëve taktike bërthamore".

Zëvendëskryeministrja e Ukrainës ka njoftuar se të gjitha gratë, fëmijët dhe të moshuarit janë evakuuar nga fabrika e rrethuar e çelikut Azovstal.

“Urdhri i presidentit është zbatuar, të gjitha gratë, fëmijët dhe të moshuarit janë evakuuar nga Azovstal. Kjo pjesë e operacionit humanitar në Mariupol ka përfunduar”, tha zëvendëskryeministrja.

Ekipet e shpëtimit kanë punuar prej disa ditësh për të evakuar civilët nga tunelet nën fabrikën e çelikut në qytetin port të Mariupolit.

Mendohet se rreth 2,000 ushtarë kanë mbetur të bllokuar në fabrikë për javë të tëra, ndërsa forcat ruse kanë avancuar në territorin brenda fabrikës së çelikut Azovstal.

Sekretari amerikan i Shtetit, Antony Blinken, ka akuzuar presidentin Putin për shtrembërimin e historisë në mënyrë që të justifikojë një luftë të paprovokuar kundër Ukrainës.

Akuza e Blinken erdhi në një deklaratë të lëshuar në prag të Fitores në Evropë, ose Ditës VE, që ështe përvjetori i humbjes së Gjermanisë naziste në Luftën e Dytë Botërore.

Sekretari i Shtetit tha se Putin po manipulonte kujtesën historike për të çuar përpara ambiciet e tij.

“Rusia ka pretenduar se qëllimi pas luftës së saj në Ukrainë është të 'denazifikojë' vendin - pretendime që ka bërë që nga viti 2014, kur Rusia aneksoi Krimenë. Putin po manipulon kujtesën historike për të çuar përpara ambiciet e tij”, tha Blinken.

Muajin e kaluar Blinken, i cili aktualisht është i izoluar në shtëpi në SHBA pasi rezultoi pozitiv me Covid, vizitoi Kievin, ku u takua me Presidentin Zelensky dhe u zotua për ndihmë të mëtejshme ushtarake për Ukrainën.

Autoritetet lokale në Kharkiv, Odesa dhe Poltava kanë raportuar sulme nga raketat ruse gjatë gjithë ditës së sotme.

Nga sulmet mbeti e vrarë një civile 28 vjeçare pasi shtëpia e saj në Korobochkyne u godit nga raketat ndërkohë një tjetër raketë goditi një strukturë infrastrukturore në Karlivka (në rajonin e Poltava), duke shkaktuar zjarr dhe dëmtime në ndërtesat aty pranë por nuk ka të vdekur apo të plagosur.

Ndërkohë, rajoni përreth Odesa-s u godit nga granatimet më herët si dhe vetë qyteti i Odesa-s është goditur nga raketa në orët e para të mëngjesit.

Zonja e parë e SHBA Jill Biden, e shoqëruar nga zonja e parë rumune Carmen Iohannis, kanë viztuar gjatë ditës së sotme refugjatët ukrainas të strehuar në Rumani.

Jill dhe Carmen vizituan një shkollë si dhe biseduan me edukatorët dhe fëmijët.

"Ishte kaq emocionale, apo jo? Unë mendoj se vërtet ukrainasit e dinë se ne po qëndrojmë me ta. Ju mund ta shihni, ata fëmijë kanë vuajtur vërtet. Në shumë mënyra, mësuesit janë ata që po i ndihmojnë këta fëmijë të përballen me traumën e tyre dhe të përballen me emocionet si dhe t'u japin atyre një ndjenjë normaliteti”, tha zonja e parë e SHBA-së

"Dua të kthehem te babai im", ishte kjo fjala që një fëmijë i tha Zonjës së Parë Jill Biden kur kjo e fundit iu afrua në tavolinën ku vajza po ngjyroste flamurin ukrainas.

Raportohet se disa raketa goditën ditën e sotme Odesën, sipas raportimit të Administratës Rajonale.

Zëdhënësi i Administratës në qytetin jugor Serhiy Bratchuk nuk ka dhënë detaje të mëtejshme rreth viktimave apo shkallës së dëmit të shkaktuar nga raketat.

Në disa foto të publikuara nga Media bjelloruse “Nexta”, duken pamjet e dy fëmijëve të veshur me uniformat e ushtrisë ruse, të cilat mesa duket tregojnë faktin se ushtria ruse po i përdorë dhe fëmijët për të luftuar në Ukrainë.

Sot Rusia feston Ditën e Krijimit të Forcave të Armatosura, Urimet, për 30 vite ata arritën të krijonin një ushtri të dorës së dytë”, thuhet në postimin e “Nexta”.

Një anije ruse e klasit Serna, një mjet zbarkues i ndërtuar për Marinën Ruse, raportohet se u godit dhe u shkatërrua nga njësitë ushtarake ukrainase në ujërat e Detit të Zi, pranë ishullit të gjarpërinjve.

“Ukrainska Pravda” e bëri të ditur lajmin bazuar në deklaratat e Kreut të Qendrës së Përbashkët të Koordinimit për Forcat e Sigurisë dhe Mbrojtjes të Ukrainës jugore Natalia Humeniuk, megjithatë, nuk u dhanë detaje mbi operacionin.

“Tani ka një luftë dhe kur të jetë e mundur do të njoftohen detaje. Tani po ofrohet informacion që mund t'i jepet publikut dhe që nuk dëmton ushtrinë dhe Ukrainën. Gjithçka do të sqarohet më vonë”, tha Zëdhënësi i Administratës Ushtarake të Odessa Serhiy Bratchuk.

Kujtojmë se dje, Kievi dha lajmin forcat ukrainase ishin pranë ishullit të gjarpërinjve gjithashtu ata goditën luftanijen e dytë më të madhe ruse "Admira Makarov", por Kremlini ka reaguar duke thënë se nuk ka asnjë lajm për automjete të goditura në zonë.

Pesëdhjetë gra, fëmijë dhe të moshuar u arritën të evakuoheshin nga fabrika e çelikut “Azovstal” në Mariupol.

Banorët e Mariupolit nuk mund të shkonin pranë rrugës së kthimit pranë “Port City”, për shkak se Rusia ka shkelur armëpushimin.

Bëhet e ditur se evakuimi do të vazhdojë edhe ditën e nesërme.

"Unë sinqerisht i kërkoj falje banorëve të Mariupolit që pritën më kot autobusët e evakuimit sot. Ne do ta bëjmë këtë nesër. Ne mblidhemi pranë Port City në orën 17:00", njoftoi Zëvendëskryeministrja ukrainase Iryna Vereschuk.

"Unë nuk e di se çfarë do të bëjnë rusët, por shpresoj se ata nuk do të njoftojnë një përshkallëzim të mëtejshëm të konfliktit", tha Përfaqësuesi i Lartë i BE-së për Politikë të Jashtme, Josep Borrell.

Drejtori i Përgjithshëm i Organizatës Botërore të Shëndetësisë, Tedros Adhanom Ghebreyesus, ka mbërritur në Ukrainë, për të evidentuar ndihmën e nevojshme për ukrainasit si dhe do të takoj stafin e OBSH-së që është me mision në Ukrainë!

“Mbërrita në Ukrainë dhe si fëmijë i luftës, e di se si ndihen fëmijët dhe të rriturit e bllokuar në këtë luftë, gjatë vizitës, Ghebreyesus synon të vlerësojë se si OBSH mund të rrisë mbështetjen për fëmijët dhe të rriturit ukrainas të përfshirë në konflikt. “Do të takoj edhe stafin tonë këtu, i cili po bën një punë të jashtëzakonshme në kushte jashtëzakonisht të vështira”, tha Kreu i Organizatës, i cili tashmë ka dërguar mbi 316 tonë furnizime mjekësore në Ukrainë.

Këshilli i Sigurimit i OKB-së ka miratuar unanimisht deklaratën e tij të parë për Ukrainën që nga fillimi i pushtimit rus më 24 shkurt.

Ai përmban mbështetje për përpjekjet e Sekretarit të Përgjithshëm Antonio Guterres për të gjetur një zgjidhje paqësore, por termat ‘luftë’, ‘konflikt’ ose ‘pushtim’ nuk janë përdorur në deklaratë.

Këshilli i Sigurimit shpreh shqetësimin e tij të thellë për ruajtjen e paqes dhe sigurisë në Ukrainë, mbështetje të forte për Guterres, në kërkimin e një zgjidhjeje paqësore të ‘mosmarrëveshjes’. 

Forcat e Armatosura të Ukrainës raportojnë se më shumë se 25 100 ushtarë rusë kanë vdekur deri më tani.

Ushtria ruse ka pasur humbje dhe në infrastrukturë, e cila ka humbur 1112 tanke, 155 helikopterë, 199 avionë dhe 11 anije.

Ministria e Mbrojtjes ruse ka thënë se në rajonin e Kharkivit, në jug të Ukrainës, ushtria ruse ka shkatërruar armët dhe pajisjet që iu dorëzuan trupave ushtarake të Kievit nga SHBA-të dhe Evropa.

Gjithashtu rusët thonë se në periferi të Odessa, tre depo municionesh dhe karburanti u shkatërruan gjatë një sulm ajror.

Zëvendëssekretari i Përgjithshëm i NATO-s, Mircea Geoana, në një intervistë për Al Jazeera, tha se javët e ardhshme janë vendimtare lidhur me zgjatjen e luftës apo ashpërsimin e luftimeve.

“Lufta në Ukrainë po hyn në një fazë vendimtare, por NATO nuk sheh një përshkalëëzim midis Moskës dhe Aleancës Antlantike për momentin. Ne mendojmë se javët e ardhshme do të jenë vërtet vendimtare, edhe nëse lufta mund të zvarritet për një periudhë më të gjatë kohore. Lufta ndoshta do të vazhdojë të egërsohet, edhe më intensivisht , me viktima dhe sakrifica të mëtejshme, por në këtë moment ne nuk shohim rrezik të përshkallëzimit midis Rusisë dhe NATO-s dhe po përpiqemi gjithashtu të shmangim një përshkallëzim midis NATO-s dhe Rusisë. ", tha Geoana.

Ukraine-01-May-2022.jpg" style="height:439px; ëidth:780px" />

Xhaketa ushtarake në ngjyrë ulliri e Presidentit ukrainas Volodymyr Zelensky, me të cilën e kemi parë në shumicën e daljeve të tij televizive në lidhjet drejtpërsëdrejti që prej fillimit të luftës, u shit për 90 mijë paund ose rreth 105 mijë euro në një ankand në Londër për mbledhjen e fondeve për Ukrainën.

Fondet e mbledhura do të shpenzohen për ndihmën humanitare për Ukrainën.

Zyrtarët ukrainas po paralajmërojnë se forcat ruse mund të përshkallëzojnë sulmet raketore dhe ajrore gjatë fundjavës, përpara festimeve të planifikuara të Ditës së Fitores të Rusisë të hënën.

 Nisur nga kjo, Volodymyr Zelensky u bëri thirrje qytetarëve që të zbatojnë rreptësisht rregullat e të mos injorojnë sirenat e sulmit ajror.

“U kërkoj të gjithë qytetarëve tanë – veçanërisht këto ditë – të mos i injorojnë sirenat e sulmit ajror”, tha ai. “Ju lutem, kjo është jeta juaj, jeta e fëmijëve tuaj. Banorët janë gjithashtu të ndaluar të vizitojnë pyjet në territorin e dikurshëm të okupuar sepse “një kërcënim i madh i minave dhe minave me tela të mbetura pas ushtrisë ruse mbetet atje. Sigurohuni që të respektoni ndalimin,” u kujtoi Zelensky ukrainasve.

Në 9 maj, që është Dita e Fitores në Rusi - ditën kur vendi shënon fitoren e sovjetikwve ndaj nazistëve në Luftën e Dytë Botërore. 

Forcat ruse kanë qëlluar ditën e djeshme mbi një kolonë prej 15 makinash civilësh që po largoheshin nga një qytet i pushtuar nga Moska në rajonin e Kharkiv (lindje), duke vrarë të paktën 4 persona.

Forcat ukrainase kanë shkatërruar një nga tanket më të sofistikuara ruse, T-90M.

Lajmi u bë i ditur nga Inteligjenca britanike  e cila tha gjithashtu se lufta po shkakton humbje të mëdha në disa nga njësitë më të afta të ushtrisë ruse.

T-90M u prezantua në vitin 2016, dhe rreth 100 njësi janë aktualisht në shërbim. Do të jetë veçanërisht e vështirë për Rusinë të zëvendësojë pajisjet e sofistikuara si tanku T-90M për shkak të sanksioneve perëndimore që kufizojnë aksesin e Rusisë në komponentë të rëndësishëm mikroelektronikë.

Muzeu Përkujtimor Letrar Kombëtar i Hryhoriy Skovoroda në qytetin Skovorodynivka, rajoni lindor ukrainas i Kharkiv, u shkatërrua gjatë natës nga një bombardim rus. Kjo është bërë e ditur në Facebook nga kreu i komunitetit Zolochiv, Viktor Kovalenko. Një raketë goditi çatinë e ndërtesës së shekullit të 18-të, duke shkaktuar një zjarr që përfshiu të gjitha ambientet e muzeut. Djali i drejtorit të muzeut që ishte në roje natën u nxor nga rrënojat me disa plagë.

Në pasurinë e cila më vonë u bë muze, aty punoi për vitet e fundit të jetës së tij dhe u varros Hryhoriy Skovoroda, një filozof ukrainas kozak i shekullit të 18-të, i cili jetoi dhe punoi në Perandorinë Ruse. Ai ishte gjithashtu poet, mësues dhe kompozitor i muzikës liturgjike.

Në disa media të huaja ka qarkulluar  lajmi se një tjetër anije e rëndësishme e flotës ushtarake ruse, fregata "Admiral Makarov" është goditur dhe mbytur.  Fregata është e armatosur me 24 raketa me rreze të mesme dhe tetë raketa “Caliber”, armatim që shërben për të shoqëruar dhe bërë eskortimin e anijeve të tjera. Megjithatë, Moska e ka mohuar këtë lajm.

Nga Ukraina raportohet se 223 fëmijë kanë vdekur dhe më shumë se 410 janë plagosur në Ukrainë që nga fillimi i luftës me Rusinë. Kjo është bërë e ditur nga zyra e Prokurorit të Përgjithshëm të Ukrainës, duke specifikuar se numri më i madh i viktimave është regjistruar në rajonet e Donetsk, Kiev dhe Kharkiv. Si rezultat i bombardimeve në qytete dhe fshatra të Ukrainës, 1635 institucione arsimore u dëmtuan. Prej tyre, 126 u shkatërruan plotësisht.