Zelensky: Më thyhet zemra kur e shoh Ukrainën në këtë gjendje, por do ta rindërtojmë! S’do lemë asnjë gjurmë nga lufta

Presidenti Volodymyr Zelensky ka mbajtur një fjalim duke u kërkuar partnerëve të Ukrainës në mbarë botën që të ofrojnë zgjidhje të bazuara në realitetin që po përjetojnë ukrainasit dhe mos të japin opinione abstrakte.

Ai u shpreh se liderët në botë po mblidhen për të diskutuar luftën dhe anëtarësimin e Ukrainës në NATO, ndërsa theksoi se ai e di tashmë kush e mbështet Ukrainën.

Ai tha se kjo është dita e 15-të që gratë dhe burrat e vendit po mbrojnë Ukrainën dhe kanë zmbrapsur sulmet në zona kyçe.

“Më është thyer zemra nga ajo që pushtuesit u kanë bërë qyteteve tona, shtetit tonë. Rusët duan që ne të gjunjëzohemi. Ne nuk u bëmë skllevër dhe nuk do të bëhemi kurrë sepse ky është shpirti ynë dhe ky është fati ynë", u shpreh ai.

Zelensky tha se pas luftës gjithçka do të rindërtohen në Ukrainë në standardet më të larta.

 “Nuk do të mbetet asnjë gjurmë nga pushtimi rus”, tha ai.

Lajmi kryesor:

Negociatat në Turqi dështuan! CIA: Rrezik përdorimi i armëve kimike nga Rusia! Ukraina në veprim për të parandaluar rrezatimin në Çernobil! Plani i BE: Pavarësia nga gazi rus në 2027

J.GJ./Shqiptarja.com

TAG:
• Dmytro Kuleba
• rusia sulmon ukrainen
• Sergey Lavrov