Përveç mazhorancës që nëpërmjet Komisionit “Xhafa” kërkon ta vendosë nën kontroll drejtësinë dhe një pjese të opozitës, e cila e anatemon dhe linçon Prokurorinë e Posaçme, për shkak se drejtuesit e saj janë duke u hetuar për korrupsion, censura që iu bë nga mediat e mëdha intervistës së drejtuesit të SPAK, Altin Dumani, tregon se, nëse je i lirë nga ndikimi politik dhe klientelizmi mediatik, ti e meriton të drejtosh prokurorinë.
Është po e njëjta medie që nuk lë politikanë të korruptuar pa nxjerr në ekran përpara arrestimit dhe përballjes me drejtësinë, apo në raste të tjera që nuk i pasqyron progres-raportet e Bashkimit Evropian që flasin për institucionin e vetëm, që është SPAK, puna e të cilit jo vetëm përgëzohet dhe veçohet, por është i vetmi për shkak të të cilit merr përgëzime Shqipëria.
Me një numër të konsiderueshëm hetimesh të kryera në nivele të larta të administratës dhe politikës, SPAK ka arritur të bëhet një autoritet i pavarur që mund të përballojë presionet dhe ndikimet politike.
Përtej sherrnajës së ditës dhe përpjekjes për ta vënë nën kontroll drejtësinë dhe institucionet e tjera që do të duhej të ishin të pavarura, siç janë KLSH apo ILDKPI, mendoj se ka ardhur koha që drejtuesi i SPAK-ut të zgjidhej direkt nga populli. Janë 43 shtete në SHBA, të cilat prokurorët e tyre i zgjedhin nëpërmjet votës së qytetarëve, në mënyrë që politika t’i mbajë ‘duart’ larg.
Zgjedhja e drejtuesve të institucioneve të pavarura nga populli, është një hap që ka mundësinë të forcojë demokracinë dhe transparencën në Shqipëri. Po ashtu, ky proces mund të krijojë një lidhje më të ngushtë ndërmjet qytetarëve dhe institucioneve të drejtësisë, duke i dhënë njerëzve mundësinë të ndikojnë drejtpërdrejt në mënyrën si administrohen këto institucione dhe si zbatohet ligji.
Për më tepër, ky hap do të dërgonte një mesazh të fuqishëm se Shqipëria është e gatshme të bëjë hapa të mëtejshëm përpara në drejtim të integrimit në Bashkimin Evropian. Një sistem i drejtësisë i pavarur, ku drejtuesit e institucioneve të pavarura janë të zgjedhur nga populli, është një standard që përputhet me vlerat dhe praktikat më të mira të Bashkimit Evropian dhe do të ndihmonte Shqipërinë të bëhej një shtet i plotë demokratik, duke e çliruar nga ngërçi i një politike 34-vjeçare që e tërheq zvarrë vetëm për interesa personale./ Marrë nga Facebook
Komente
Lajme të tjera
-
Ergys Mërtiri: Ç'na tregoi më 23 Nëntor Altin Dumani?
24 Nëntor, 08:47
-
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Pse priti deri në fund Berisha, çfarë shpresonte?
22 Nëntor, 13:08
-
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22
Po të bëhej siç thua ti zotëri, Dumani nuk do ishte në krye të Spak, sepse nuk është person karizmatik dhe shumë i ndershëm për të bërë fushatë. Ndërkohë të korruptuarit dhe mediat e tyre po fërkojnë duart për këtë ide idiote sepse mund të hedhin pare për të zgjedhur atë që u duhet. Le tja lemë në dorë USA-s të vazhdojë të zgjedhë për ne sepse po ia shohim hajrin dhe jemi shumë të kënaqur me zgjedhjen e saj, të nderuarin dhe të respektuarin z. Dumani.
Përgjigju