Ambasadori i prezencës së OSBE në Shqipëri, Vincenzo Del Monaco, nga Shkodra ka reaguar edhe në lidhje me zhvillimin e zgjedhjeve në Shqipëri. Del Monaco tha se se OSBE në bashkëpunim me ODIHR, shpejt do të përpilojë një rezultat të saktë për zgjedhjet. Sa i përket situatës politike në vend, Del Monaco tha se ka një dozë të shtuar dinamike dhe gjallërie.
“Ju thatë dy gjëra të drejta, që unë kam 6 muaj në Shqipëri dhe që në Shqipëri ka pasur zgjedhje. Vlerësimi i procesit zgjedhore bëhet nga bashkëpunëtorët tonë të ODIHR e cila është zyra jonë për të drejtat e njeriut. Tashmë kemi publikuar një raport në shenjë demokracie dhe transparence dhe është i aksesueshëm nga të gjithë në rrjete. Po presim rezultatin përfundimtarë që uroj që shumë shpejt ti prezantohet publikut dhe autoriteteve shqiptare, nuk kam një datë të saktë. Shpresoj që të ketë një mirëkuptim racional dhe jam në pritje të raportit përfundimtarë nga kolegët e ODIHR para se të bëj komente të arsyeshme. Më duket se ka një dozë të shtuar dinamike dhe gjallërie”, tha Del Monaco.
Ambasadori Del Monaco mori pjesë në një veprimtari të organizuar nga Autoriteti për Informimin mbi Dokumentet e Ish-Sigurimit të Shtetit në Shkodër. Janë me qindra persona të vrarë gjatë komunizmit të cilët edhe sot nuk kanë një varr dhe familjarët për vite me radhe kanë kaluar një kalvar dhimbjesh dhe përpjekjesh për gjetjen e eshtrave të tyre.
Në lidhje me këtë, ambasadori Del Monaco tha se autoritet shqiptarë po e trajtojnë këtë çështje me seriozitet
"Pikë së pari, siç pata mundësi të them edhe gjatë konferencës së zhvilluar në këtë vend, që tashmë është një vend kujtese, si qenie njerëzore që jemi nuk mund t’i justifikojmë në asnjë mënyrë këto shkelje madhore ndaj qenieve të tjera njerëzore duke i mohuar atyre emrin, apo një varrim të denjë. Realisht e vlerësoj shumë veprimtarinë e mëngjesit të sotëm, sepse për mendimin tim në të u shpreh shumë qartë gatishmëria e përbashkët e autoriteteve shqiptare dhe shoqërisë civile për ta trajtuar seriozisht dhe konkretisht çështjen në fjalë. Mund të dëshmoj se, edhe nga ana jonë, në bashkëbisedimet që vazhdimisht zhvillojmë me autoritetet qendrore në Tiranë marrim të njëjtin mesazh serioziteti, vullneti dhe konkretësie. Në emër të Prezencës së OSBE-së në Tiranë, vetëm mund ta përshëndes dhe mbështes vazhdimin e këtij procesi. Me sa di unë, jemi të angazhuar në mënyrë aktive në fushën e drejtësisë tranzitore dhe për më tepër tema e veprimtarisë së sotme, që ishte Drejtësia dhe Pajtimi, është diçka që na bën të reflektojmë pozitivisht lidhur me pjekurinë e demokracisë shqiptare, sepse kjo është pikërisht fryma e duhur: të bësh diçka që është e drejtë dhe të bësh diçka që është në shenjën e pajtimit me qëllim që të kemi një Shqipëri gjithnjë e më të vetëdijshme dhe për këtë arsye edhe më të fortë për t’u ballafaquar me sfidat e së ardhmes", tha ambasadori.
Lajme të tjera
-
Ikën stuhia, Shkodra përfshihet nga dëbora, të gjitha rrugët të kalueshme (VIDEO)
23 Nëntor, 11:55 -
Moti i keq në Shkodër, prurje masive ujërash në tunelin e Gjegjanit! Policia dhe nënkontraktori në terren me 2 fadroma
22 Nëntor, 19:26 -
Moti i keq/ Fshatrat e Shkodrës pa energji elektrike
22 Nëntor, 18:21 -
OSBE, trajnim punonjësve të Burgjeve për standardet e të drejtave të njeriut
22 Nëntor, 15:44 -
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44 -
Atentati në Shkodër/ Zbardhet dëshmia e policëve: S’e njohëm personin e 3 nëse ishte Ibrahim Lici! Gjykata i liron nga qelia, pezullohen nga detyra
22 Nëntor, 13:11 -
Moti i keq/ Disa fshatra në Vaun e Dejës pa energji elektrike! Rrëshqitje dherash në rrugët e Fushë-Arrëzit
22 Nëntor, 12:28 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Qyteti i Pukës mbetet pa spital, era e fortë rrëzon çatinë! Rrëshqitje dherash në Fushë-Arrëz, tre banesa rrezikojnë të shemben
21 Nëntor, 16:33 -
Studimi në Shkodër: Afro 20 për qind e nxënësve bullizohen në shkollë! Shqetësim dhe mungesa e oficerëve të sigurisë
21 Nëntor, 16:16
-
Shkodër-Mali i Zi, sekuestrohen mbi 2 mln euro cash brenda katër ditëve, dyshohet se vijnë nga aktivitetet e paligjshme! 3 persona në pranga (RASTET)
21 Nëntor, 15:17 -
Moti i keq/ Borë në Theth e Vermosh, borëpastrueset në terren! Akset të kalueshme (VIDEO)
21 Nëntor, 09:45
