Sipas ‘Ria Novosti’, ‘Rusia e Bashkuar’ e presidentit Vladimir Putin, ende mban shumicën në parlamentin e qytetit, me 26 nga 45 deputetë.
Votimi në kryeqytetin rus vjen pas javëve të protestave të ashpër në rrugë pasi dhjetëra kandidatë të opozitës u përjashtuan nga votimi, protesta që çuan në qindra arrestime.
Grupet disidente të rreshtuar rreth Alexej Navalny, kishin bërë thirrje për një "zgjedhje inteligjente", në të cilën qytetarëve u ishte kërkuar të shkonin të gjithë për të votuar, dhe të mos votonin partinë e Kremlinit.
Në fakt, tre kandidatë nga partia opozitare e qendrës ‘Jabloko’, arritën të afirmoheshin në parlamentin moskovit. Një vend siguroi edhe opozitari Sergei Mitrokhin, i cili e arriti përmes gjykatës.
Deputetë te tjerë vijnë nga Partia Komuniste dhe formacione të tjera më afër Kremlinit.
Sondazhet kishin parashikuar rënie të konsiderueshme për ‘Rusinë e Bashkuar’, e cila, për shembull, në Khabarovsk, kryeqyteti i rrethit lindor federal rus, mori vetëm 12.51% të votave, duke u vendosur në vendin e dytë pas partisë ultra-nacionale Liberal Demokratike dhe pas komunistëve.
Në zgjedhjet komunale në Moskë, u thirrën për të votuar 56 milion votues por pjesëmarrja mbeti gjithsesi shumë e ulët, 21.63%.