POP 5

Lajmet më të lexuara të 5 minutave të fundit

Kosova & Rajoni

Zgjedhjet e parakohshme në Kosovë,
mbyllet fushata, të dielën votohet

Në Kosovë mbyllet sot fushata elektorale për zgjedhjet e parakohshme të së dielës, një proces që nisi menjeherë pas shpërberjes së Parlamentit,  ku me një mocion mosbesimi më 9 maj u rrëzua qeveria Mustafa, produkt i një koalicioni të vitit 2014 me Partinë Demokratike të Kosovës.Tashmë të rigrupuar në koalicione të ndryshme, partitë kryesore mbylllin fushatën me tubime të mëdha.  VIDEO
Zgjedhjet e parakohshme në Kosovë,<br />mbyllet fushata, të dielën votohet
Në Kosovë mbyllet sot fushata elektorale për zgjedhjet e parakohshme të së dielës, një proces që nisi menjeherë pas shpërberjes së Parlamentit,  ku me një mocion mosbesimi më 9 maj u rrëzua qeveria Mustafa, produkt i një koalicioni të vitit 2014 me Partinë Demokratike të Kosovës.

Tashmë të rigrupuar në koalicione të ndryshme, partitë kryesore mbylllin fushatën me tubime të mëdha.

Në garë marrin pjesë 26 subjekte politike të të gjitha komuniteteve.   

3 koalicionet më të rëndësishme janë PDK,AAK dhe Nisma për kosovën. Koalicioni i partive të krerëve të UCK-së për herë të parë bashkë pas shumë kohësh.  Ramush Haradinaj, Kadri Veseli e Fatmir Limaj, janë bërë bashkë për të ndërtuar një Kosovë të zhvilluar dhe të sigurt. 

Kandidat  për kryeministër I këtij koalicioni është Ramush Haradinaj.

Nga ana tjetër është koalicioni LDK-AKR-alternativa me kandidat Avdullah Hotin, dhe Veteëvendosja e cila ka dalë e vetme në këto zgjedhje.

Kandidat për kryeministër i kësaj force politike është Albin Kurti.

Gjatë fushatës  partitë politike e kanë vënë theksin më së shumti tek ekonomia.

Ramush Haradinaj,  është shprehur  se synimi i tij është zhvillimi ekonomik, sundimi i ligjit dhe përfshirja amerikane në bisedimet me Serbinë.

Hoti, ish-ministër i Financave kandidati i Lidhjes Demokratike të Kosovës për kryeministër premtoi një energji të re me koalicionin bashkë me Behgjet Pacollin dhe partinë e re Alternativa.

Ndërsa  Albin Kurti, është shprehur se subjekti i tij do t'i fitojë zgjedhjet e parakohshme parlamentare të 11 qershorit. Ai shtoi se do të kërkojnë një partner të vogël për të formuar Qeverinë, duke shtuar se nuk beson se pas zgjedhjeve, koalicionet parazgjedhore, do të mbijetojnë.Heshtja elektorale nis më 23.59 minuta.

Fushata elektorale  ne Kosove u zhvillua me ritme të shpejta për shkak të kohëzgjatjes së shkurtër vetëm 10 ditë .

Redaksia Online
e.m/Shqiptarja.com


 

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Me lot në sy, babai i Martinit i bashkohet protestës para Ministrisë së Arsimit (VIDEO)

Me lot në sy, babai i Martinit i bashkohet protestës para Ministrisë së Arsimit (VIDEO)

25 Nëntor, 18:45