Zgjedhjet/ Kandidati i PS-së në Vlorë takim me banorët e Rajonit 1: Do përmirësojmë infrastrukturën e lagjeve

Kandidati i Partisë Socialiste për Bashkinë e Vlorës, Ermal Dredha u takua me banorët e Rajonit 1 në qytetin bregdetar.

Dredha theksoi angazhimin e tij për përmirësimin e infrastrukturës së lagjeve, duke u siguruar qytetarëve vlonjatë nëse i japin votën më 14 maj, se si ai ashtu edhe e gjithë administrata e Bashkisë do të jenë të përkushtuar në përmbushjen e këtij detyrimi.

"Kam qenë tek lagjja "4 Heronjtë", është detyrim jo premtim, detyrim i Bashkisë që ato rrugë të bëhen sa më shpejt dhe ky është premtimi i Ermalit dhe i gjithë administratës së Bashkisë. Edhe te rruga "Partizani" ka probleme tek fasadat e pallateve, për të cilat do të fillojmë një projekt që ti rehabilitojmë, ashtu siç i ka hije asaj lagjeje. Ne do të bëjmë maksimumin që të ketë hapësira argëtimi për fëmijët dhe për moshat e treta, të cilët të kenë mundësinë të argëtohen”.- tha Dredha.

Lajmi kryesor:

Zgjedhjet vendore, kandidatët për kryebashkiakë kërkojnë votën dhe bëjnë premtime! Sako me banorët e Sukthit: Vijojmë investimet në infrastrukturë

M.Q./Shqiptarja.com

TAG:
• Vlore