MAL I ZI- Tuzi ka shpërthyer në festë. Shqiptarët kanë mbushur sheshet e po festojnë më flamujt kuqezi, pasi në zgjedhjet që u mbajtën ditën e sotme koalicioni “Forumi Shqiptar” ka arritur të fitojë bindshëm përballë 3 koalicioneve të tjera dhe listave të pavarura duke fituar shumicën absolute.
Report Tv sjell pamjet nga festa e shqiptarëve, ndërsa kryetari aktuali i Tuzit, shqiptari Nik Gjeloshaj foli pas fitores së siguruar në këto zgjedhje. Për mediat shqiptare, Tuzi tha se kjo fitore është një mesazh përbashkimi për të gjithë shqiptarët kudo janë, ndërsa i falënderoi ato për mbështetjen.
"Shqiptarët vazhdojnë me qeveris, kemi qeveris mirë. Kjo është nota që na kanë dhënë qytetarët e malësisë. Falënderoj të gjithë ata që në kanë përkrah, të gjithë diasporën, shqiptarët kudo që janë për mbështetjen që na kanë dhënë", tha Gjeloshaj.
Nik Gjeloshaj dhe koalicioni “Forumi Shqiptar” sipas rezultateve paraprake kanë siguruar 18 mandate komunale, shumicën absolute, duke u dhënë atyre të drejtën për të zgjedhur edhe kryetarin e komunës. Kështu, shqiptarët pa humbur kohë kanë nisur festën nën ngjyrat kuqezi.
Prej mëngjesit të ditës së sotme qytetarët në Tuz u janë drejtuar kutive të votimit deri në orën 20:00. Nga 12.387 persona që kishin të drejtën e votimit, në zgjedhje morën pjesë 8245 votues ose 66.56 për qind. 69 fletë votimi ishin të pavlefshme.
Alternativa Shqiptare e kryetarit aktual të Tuzit, Nik Gjeloshaj, është bashkuar me Lidhjen Demokratike të Shqiptarëve, Unionin Kombëtar Shqiptar dhe Lidhjen Demokratike të Malit të Zi nën emrin “Forumi Shqiptar” dhe siguruan 18 mandate. E në krahun tjetër është koalicioni ‘Rruga e Drejtë’, i përbërë nga Partia Demokratike e Socialistëve (DPS), Partia Boshnjake (BS), Social Demokratët (SD) dhe Bashkimi Demokratik i Shqiptarëve (DUA) morën 12 mandate. Ndërsa nga një mandat morën SDP dhe Mali i Zi Demokratik.
Që prej vitit 2018, kjo është hera e dytë që mbahen zgjedhjet lokale që nga ndarja e kësaj komune nga komuna e Podgoricës.
Sipas rezultateve paraprake të zgjedhjeve lokale në Tuz, koalicioni i Forumit Shqiptar ka fituar 18 mandate, pra 4282 vota, që është 51.83 për qind.
Dymbëdhjetë mandate u fituan nga koalicioni ‘Rruga e Drejtë’, i përbërë nga Partia Demokratike e Socialistëve (DPS), Partia Boshnjake (BS), Social Demokratët (SD) dhe Bashkimi Demokratik i Shqiptarëve (DUA). Për ta kanë votuar 2755 qytetarë të Tuzit, 33.35 për qind.
Për Malin e Zi Demokratik votuan 417 qytetarë, që është 5.05 për qind dhe kjo parti fitoi një mandat.
Partia Social Demokratike (SDP) gjithashtu fitoi një mandat. Ata fituan 333 vota, 4.03 për qind.
Partitë e tjera që morën pjesë në zgjedhje nuk fituan dot asnjë mandat. Partia Popullore Socialiste ka fituar 160 vota ose 1.94 për qind, ndërsa Koalicioni Shqiptar (PD, Forca) ka fituar 189 vota ose 2.29 për qind.
Partia për Drejtësi dhe Pajtim (PSP) fitoi 126 vota, 1.53 për qind. Në zgjedhje dolën 8245 votues ose 66.56 për qind. 69 fletë votimi ishin të pavlefshme.
Nik Gjeloshaj ka falënderuar të gjithë shqiptarët për mbështetjen, teksa konfirmoi se kanë fituar shumicën absolute në zgjedhjet që u mbajtën ditën e sotme në Tuz të Malit të Zi. Duke folur për mediat shqiptare, Gjeloshaj ka thënë se fitorja është përgjegjësi për të punuar më mirë për 4 vitet e ardhshme.
"Faleminderit të gjithë votuesve, se sot kanë dalë në mënyrë demokratike kanë shprehur vullnetin e tyre dhe kanë treguar se malësia do bashkim do zhvillim. Shqiptarët vazhdojnë me qeveris, kemi qeveris mirë. Kjo është nota që na kanë dhënë qytetarët e malësisë. Falënderoj të gjithë ata që në kanë përkrah, të gjithë diasporën, shqiptarët kudo që janë për mbështetjen që na kanë dhënë. Edhe kësaj here i kemi bashkuar shqiptarët kudo që janë. Fitorja absolute është përgjegjësi më e madhe për ne për të punuar edhe më shumë katër vitet e ardhshme", tha Gjeloshaj.
Kryetari aktual i komunës së Tuzit dhe ai i Alternativës Shqiptare, Nik Gjeljoshaj, ka thënë për “Vijesta” se kanë arritur një fitore bindëse në zgjedhjet lokale në atë komunë dhe se në Tuz do të kenë shumicën absolute. Ai tha se po shpallin fitore absolute dhe se deri më tani kanë fituar kanë 18 mandate.
Fikret Ljuljanaj, anëtar i shtabit zgjedhor të koalicionit të Forumit Shqiptar, tha se kanë fituar nga 18 deri në 19 mandate.
Në Tuz të Malit të Zi kanë përfunduar procesi i votimit. Deri në orën 19:00 kishin votuar 63.82 për qind e qytetarëve. Sipas Ministrisë së Brendshme, të drejtë vote kanë 12.387 zgjedhës.
Tashmë ka nisur procesi i numërimit për të zgjedhur fituesin.
Komente
Lajme të tjera
-
Mali i Zi, opozita bojkoton Parlamentin për shkak të Gjykatës Kushtetuese
21 Dhjetor, 22:33 -
Mali i Zi dhe Shqipëria përpara, të tjerët mbeten të bllokuar
16 Dhjetor, 08:39
-
Integrimi në BE/ Kroacia bllokon kapitullin 4 për Malin e Zi, kërkon zgjidhjen e pronësisë së anijes 'Jadran'
14 Dhjetor, 09:50 -
Fotot/ Ministri shqiptar në qeverinë Malazeze, Marash Dukaj, merr çmimin e madh “Grand Albanian Excellence” në Tiranë
12 Dhjetor, 10:08 -
Drejtoria e Arkivave marrëveshje bashkëpunimi me Malin e Zi, Bido: Synojmë të arrijmë standardet ndërkombëtare
6 Dhjetor, 14:28 -
Hapet traseja e rrugës së re Shirokë-Zogaj, shkon deri në pikën kufitare me Malin e Zi (VIDEO)
4 Dhjetor, 16:55 -
Kërkesat për azil në Europë nga shtetasit nga Shqipëria dhe Kosova mbeten të larta
4 Dhjetor, 15:20 -
Hapet traseja e rrugës nga pika kufitare me Malin e Zi deri në Zogaj, Rama: Do të ketë trotuar dhe korsi biçikletash
4 Dhjetor, 11:05 -
Bëri shqiponjën dykrenore më 28 Nëntor, nën hetim ushtari malazez
3 Dhjetor, 13:30 -
Kapet 30 vjeçari nga Mali i Zi në Muriqan! Do ekstradohet në Francë pasi akuzohet për përdhunim dhe kryerje marrëdhenie seksuale me të mitur
29 Nëntor, 11:45 -
Monumenti i Gjergj Kastriotit vendoset edhe në Tuz të Malit të Zi
28 Nëntor, 21:55 -
'Kosova është Serbi', autorët e mbishkrimit, pjesëtarë të ushtrisë në Mal të Zi
28 Nëntor, 13:06
Bravo per bashkimin e tere shqiptarve ne Tuz te Malit te Zi. Pune te mbare per gjithe qytetaret e Tuzit.
PërgjigjuBravo shqiptareve. Gjithmone te bashkuar.
Përgjigju