POP 5

Lajmet më të lexuara të 5 minutave të fundit

Politikë

Zgjedhjet,Mandija:Po përgatisim
raportin për problemet që gjetëm

Rreth tre javë pas përfundimit të zgjedhjeve të 25 qershorit, zëvendëskryeministrja Ledina Mandija deklaron se po punohet për të evidentuar të gjitha rastet e shkeljeve të identifikuara gjatë fushatës zgjedhore dhe ditën e zgjedhjeve.
Rreth tre javë pas përfundimit të zgjedhjeve të 25 qershorit, zëvendëskryeministrja Ledina Mandija deklaron se po punohet për të evidentuar të gjitha rastet e shkeljeve të identifikuara gjatë fushatës zgjedhore dhe ditën e zgjedhjeve.
  
Zëvendëskryeministrja Mandija theksoi se në një kohë të shpejtë informacioni i mbledhur do të diskutohet në mbledhjet e Task - Forcës dhe i përpunuar nga zyra e Kryetarit të Task - Forcës do të finalizohet me anë të një raporti, ku do të jenë të pasqyruara hollësisht gjetjet dhe përfundimet e tij.
 
"Disa ministri dhe institucione nuk sollën raporte"
Ledina Mandija shprehet se disa nga ministritë dhe institucionet kanë përcjellë në datë 10 Korrik 2017 informacionet për zgjedhjet, ndërkohë që disa kanë dështuar të sjellin këtë raport monitorimi, por pa i cilësuar se cilat janë.

Deklaratat zëvendëskryeministrja Ledina Mandija i bëri pas një takimi me Claus Neukirch, përfaqësues në Shqipëri i Këshillit të Evropës.
 
Ndërsa një takim i tillë u mbajt edhe një ditë më parë me  Jan Rudolph, zëvendës drejtues i Delegacionit të BE dhe Robert Adams, Ekspert për Zgjedhjet.
 
Sipas zyrës së shtypit të Mandijës, përfaqësuesit e lartë të Këshillit të Evropës dhe Delegacionit të Bashkimit Evropian në Shqipëri, të cilët kanë ndjekur nga afër çdo mbledhje të Task- Forcës, shfaqën interes për ecurinë e punës e saj në drejtim të rezultatit të monitorimit si dhe problematikave të konstatuara gjatë procesit zgjedhor për zgjedhjet parlamentare 2017.

Pas përfundimit të raportit me konkluzionet që do t’i dorëzohet edhe OSBE, ministrat teknikë të PD dhe zv/ kryeministrja Mandija pritet që të japin dorëheqjen nga postet që u emëruan.
 
Ministrat teknikë të PD u emëruan në bazë të marrëveshjes së 17 Majit mes PS dhe PD, të cilët sipas Bashës do të ishin garantët për zgjedhje të lira dhe të ndershme.
 
E ndërsa në 25 qershor PD i humbi thellë zgjedhjet dhe PS arriti të formonte e vetme shumicën, opozita e djathtë akuzon për blerje votash dhe paradoksalisht qëndron në qeveri së bashku me LSI. 
 
Megjithatë pritet raporti përfundimtar i zv/ kryeministres dhe ministrave teknikë të PD për të thënë fjalën e fundit dhe dorëzuar dorëheqjen.

dy.b/shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03