POP 5

Lajmet më të lexuara të 5 minutave të fundit

Arkiva

Zgjedhjet në Serbi, vëzhguesit e huaj
japin vlerësimin “procesi i lavdërueshëm”

Serbia ka marrë një lajm të mirë nga vëzhguesit ndërkombëtarë, të cilët në një deklaratë për mediat sot kanë thënë se zgjedhjet e djeshme u bënë në përputhje të plotë të ligjeve, lirive dhe të drejtave themelore.
BEOGRAD- Serbia ka marrë një lajm të mirë nga vëzhguesit ndërkombëtarë, të cilët në një deklaratë për mediat sot kanë thënë se zgjedhjet e djeshme u bënë në përputhje të plotë të ligjeve, lirive dhe të drejtave themelore.

Megjithatë, vëzhguesit theksojnë nevojën për nxitjen e pluralizmit të medias. 

"Serbia ka kryer zgjedhje me të vërtetë demokratike, me një gamë të gjerë të opsioneve për votuesit dhe procedurave efektive. Mënyra përfshirëse dhe transparente në të cilat është kryer procesi i votimit është e lavdërueshme", tha Roberto Battelli, koordinatori i posaçëm që udhëhoqi misionin vëzhgues të OSBE-së. 

"Votuesit dhe përfaqësues të partive politike kanë shprehur shkallë të lartë besimin në procesin zgjedhor”, shtoi Battelli, raportojnë mediat serbe.

Vëzhguesit gjithashtu thanë se komisionet zgjedhore në të gjitha nivelet kanë kryer detyrën e tyre në mënyrë efikase dhe profesionale. Një vlerësim i shkon edhe Komisionit të Zgjedhjeve, që sipas vëzhguesve u tregua shumë transparent me mediat dhe informacioni është dhënë në kohë reale dhe i saktë.

"Ne jemi të impresionuar se standardi i lartë i procedurave në ditën e zgjedhjeve. Ishte në provë jo vetëm Beogradi por edhe qytete të tjera të mëdha, dhe zonat rurale”, tregon kreu i delegacionit të OSBE-së. 

Në deklaratë është përmendur gjithashtu se një pikë tjetër pozitive janë mandatet e fituara nga pakicat. 

Koalicioni i kryesuar nga Partia Progresive Serbe ka fituar 158 vende në parlamentin e Serbisë, sipas njoftimit të Komisionit të Zgjedhjeve.

Tre partitë e pakicave do të jenë të përfaqësuara në parlament. Aleanca e hungarezëve të Vojvodinës me 6 mandate, Partia e Veprimit Demikratik të Sanxhakut 3 mandate, dhe partia shqiptare e Riza Halimit me 2 mandate. 

Në një dalje mbrëmë të kryeministrit të ardhshëm të Serbisë, fituesi i padiskutueshëm i zgjedhjeve të parakohshme parlamentare, Aleksandër Vuçiç u shpreh se ai është i vendosur për të vazhduar rrugën europiane të Serbisë. 

Nga mesi i mandatit, u shpreh ai, populli i Serbisë do të shoh rezultate reale. Një premtim tjetër është lufta kundër korrupsionit në shtetin serb.

Redaksia online
(e.sh/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Frrok Çupi: Pse Sali Berisha u vjen rrotull burgjeve?

Frrok Çupi: Pse Sali Berisha u vjen rrotull burgjeve?

11 Janar, 15:42 nga Frrok Çupi