POP 5

Lajmet më të lexuara të 5 minutave të fundit

Ekonomi

Zgjedhjet në Francë e Greqi
tronditen tregjet financiare

Rezultatet e votimeve ne France dhe Greqi rrëzojnë bursat. Athina, Milano dhe Parisi në vështirësi. Efekti “Hollande” dhe frika e të ardhmes në Athinë kane ndikuar në tregjet financiare.
Topi e Berisha përshëndesin Hollande
PS: Era fryn majtas
FOTO- Franca mes lotëve e gëzimit
FOTO- Politikanët shqiptarë komentojnë në fb e Twitter
Fitorja e Francois Hollande në Francë dhe zgjedhjet parlamentare në Greqi kanë sjellë rënien e bursave gati në të gjithë Europen. Aksionet në Athinë ranë në rreth 10%, pas votimeve të djeshme për zgjedhjet parlamentare. Sipas ekspertëve pavarsisht rënies, do të jenë partitë politike që do të formojnë një mazhorancë të unitetit kombetarë. Do të jenë mbi të gjitha bankat që do të duhet të bëjnë një punë të madhe sepse shkëmbimet momentalisht janë të ulta. Ekspertët thonë se tregjet financiare mund të pësojnë një dridhje të forte sepse ndoshta planet e BE, hartuar dhe vendosur në pune nga dyshja Merkel-Sarkozi mund të ndryshojnë serish. Edhe Spread në Paris ka pësuar një renie të theksuar sot, ndërsa ka rënie edhe të naftës.

Tregjet europiane shfaqen jo mirë. Në Milano, Ftse Mib fillon me 2% dhe pastaj ngjitet me 0,55% në 13.842, ndërsa All Share hapet me 2,14% dhe vazhdon nga 0,63% në 14.863. Situata në Paris duket jo mirë, nga 1,52%, ne 3.113 pikë. Frankfurti me 1,49%. Ato që po humbasin terren kudo jane bankat,ndërsa nga ana tjetër është rritur frika se rezultatet e votimeve në Francë dhe Greqi do të pengojnë zgjidhjen e problemeve në sferën ekonomike kerkuar nga BE, dhe FMN. Plani i vënë në zbatim nga dyshja Sarkozy-Merkel mund të mos ecë më përpara dhe kjo do te sillte shumë probleme edhe ne zonen euro.

Agjensia Standard & Poor's theksoi se fitorja e Francois Hollande në zgjedhjet presidenciale në France nuk ka nje impakt të rëndë mbi vlerësimet në borxhin e vendit. "Mendojmë se ka ende një mundesi që në Francë këtë vit ose gjatë 2013, të zvoglojmë vlerësimin afatgjatë",thotë Standard & Poor's. Zgjedhjet e së djelës në Francë dhe Greqi kanë ndikuar edhe tek monedha e përbashkët europiane e cila për herë të parë që prej 25 janarit sot arriti në kuoten e 1.30 kundrejt dollarit amerikan.
(ob/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Abuzim me tenderat/ Dënohet me burg ish-kryebashkiakja e Patosit, Rajmonda Balilaj! I konvertohet në shërbim prove

Abuzim me tenderat/ Dënohet me burg ish-kryebashkiakja e Patosit, Rajmonda Balilaj! I konvertohet në shërbim prove

15 Janar, 19:00