Kosova do të shkojë në zgjedhjet e parakohshme, por pavarësisht takimeve të djeshmet të ushtrueses së detyrës së presidentit Vjosa Osmani, me krerët e partive kryesore në vend ende nuk ka një datë të përcaktuar.
Gjatë të martës, Osmani u takua me përfaqësuesit e katër partive politike, i pari të cilin takoi ishte Albin Kurti, i cili theksoi se ata duan mbajtjen e zgjedhjeve sa më parë të jetë e mundur, pasi vendi sipas tij kishte humbur mjaftueshëm kohë.
Vetëvendosja është partia që ka kërkuar më së shumti me insistim mbajtjen e zgjedhjeve të parakohshme në Kosovë, pas rrëzimit të qeverisë Kurti dhe ajo ka ngritur edhe padinë në Gjykatën Kushtetuese.
LDK e ka një datë të mundshme për zhvillimin e zgjedhjeve. Anëtari i Kryesisë së Lidhjes Demokratike të Kosovës, Arban Abrashi, pasi u takua me Osmanin ka përmendur 7 shkurtin si datë për mbajtjen e zgjedhjeve. Por, para se të mbahen zgjedhjet, LDK-ja ka kërkuar që të votohet buxheti për vitin 2021.
Ndërkohë që kryetari i saj Isa Mustafa me anë të një postimi në Facebook, ka theksuar se në zgjedhjet e ardhshme forca qeverisëse në vend do të jetë fituese.
“LDK-ja aktualisht udhëheq me Qeverinë dhe do të jetë përgjegjëse dhe e përkushtuar që t’i kryej detyrat kushtetuese deri në rezultatet e zgjedhjeve të ardhshme. LDK pati guximin dhe vetëdijen për të dalë në ballë të proceseve të mëdha, në kohët më të vështira, prandaj jam shumë i sigurt që në zgjedhjet e ardhshme në bashkëpunim me të gjitha strukturat elektorati i LDK-së do të angazhohet për rezultatin më të suksesshëm. Nga këto zgjedhje LDK do të del edhe më e fuqishme, duke e respektuar votën dhe vullnetin qytetar”, tha ai.
Partia Demokratike e Kosovës preferon zgjedhje në fund të muajit janar, këtë e theksoi nënkryetari i kësaj partie Memli Krasniqi, pas përfundimit të takimit.
Aleanca për Ardhmërinë e Kosovës nuk ka shprehur publikisht asnjë preference. Nënkryetar i AAK-së, Ahmet Isufi, ka deklaruar se duhet marrë dhe mendimi i Institutit të Shëndetësisë për shkak të situatës së pandemisë. Krahas datës së zgjedhjeve kanë nisur dhe diskutimet për koalicionet e mundshme para zgjedhore.
Konsultimet do të vazhdojnë edhe gjatë të mërkurës me partitë e tjera të përfaqësuara në Kuvend.
Lajme të tjera
-
Mali i Zi dhe Shqipëria përpara, të tjerët mbeten të bllokuar
16 Dhjetor, 08:39
-
Kualifikueset e Botërorit 2026, Rraklli për Report TV: S'e doja këtë short, Sylvinho të bëjë ndryshime! Leci: Serbia mendjen për telashe, Kosova e ka vështirë
14 Dhjetor, 16:00 -
Demush Shasha: Testi i vitit 2025
12 Dhjetor, 08:54
-
Bislimi akuzon Serbinë se po tenton të ndalë ndihmën e Kosovës për bujqit shqiptarë në Luginën e Preshevës
10 Dhjetor, 21:16 -
Sveçla: Pjesëtarë të Listës Serbe janë të përfshirë në trazira të vazhdueshme në veri
10 Dhjetor, 16:31 -
Këshillit të BE-së i kërkohet që ta shqyrtojë aplikimin e Kosovës për anëtarësim
10 Dhjetor, 16:11 -
Zyrtare/ UEFA i dha fitoren në tavolinë Rumanisë, FFK ankohet në CAS për racizmin e Bukureshtit: Kosova kërkon të drejtën që meriton
5 Dhjetor, 11:40 -
'Problemet me Kosovën' mediat serbe: BE refuzon hapjen e kapitullit të tretë të negociatave me Beogradin
4 Dhjetor, 16:16 -
Kryediplomatja e re e BE-së: Të ulen realisht tensionet ekzistuese Kosovë - Serbi
4 Dhjetor, 16:03 -
Kërkesat për azil në Europë nga shtetasit nga Shqipëria dhe Kosova mbeten të larta
4 Dhjetor, 15:20 -
Renditja e re në FIFA/ Kombëtarja në vendnumëro, mbetet e 65-ta në botë! Kosova shkruan historinë, ndodhet e 99-ta
28 Nëntor, 14:06 -
Shorti i Ligës së Kombeve, Kosova kërkon Ligën B kundër Islandës! Në çerekfinale Itali - Gjermani dhe Holandë - Spanjë
22 Nëntor, 12:21
