Kosova voton, Valdete Daka për Report Tv: Nuk ka incidente, materialet  zgjedhore shkuan në kohë! Rezultatet e para të votimin në orën 21:00 (VIDEO)

Kryetarja e KQZ-së në Kosovës, Valdete Daka gjatë një interviste të Report Tv tha se deri tani procesi është duke vijuar pa incidente dhe se qendrat e votimit janë hapur në kohë dhe nuk ka pasur vonesa të dorëzimit të materialeve zgjedhore.

"Procesi po ecën normalisht dhe siç është planifikuar dhe nuk kemi raportime për incidente që mund të dëmtojnë imazhin e ditës së sotme. Edhe pse sot kemi një mot jashtëzakonisht të ftohtë, pothuajse në të gjithë Kosovës janë hapur në kohë qendrat e votimin, përveç dy apo tre fshatrave në thellësi janë hapur pak më vonë për shkak të bllokimit nga dëbora" tha Daka.

Në lidhje me numrin e votuesve, ku deri në orën 11:00 kanë votuar 8.3 % e qytetarëve, Daka tha se ka zvogëlim të numrit të përgjithshëm të votuesve krahasuar me zgjedhjeve të kaluara, ndërsa tha  së në orën 21:00 pritet ët dalin rezultatet e para të zgjedhjeve,

 "Lista e votuesve është zvogëluar dhe numri i votuesve është thuajse e njëjtë dhe dalja është thuajse e njëjta krahasuar me zgjedhjet  e kaluara. Edhe në komunat me shumicë serbe procesi vijon normalisht. Qendrat e votimit do të mbyllen në orën 19:00 dhe më pas fillon numërimi i votave dhe shpresoj që pas orës 21:00 të jepen rezultatet e para. Vota e emigrantëve me postë do  të vonojë disa ditë të numërohet", tha Daka.

Qytetarët e Kosovës vendosin sot për qeverinë e re dhe kryeministrin. Qendrat e votimit që janë hapur prej orës 07:00 pritet t'u drejtohen  1,794,862 qytetarë me të drejtë vote.


Lajmi kryesor:

Votimi u mbyll pa incidente në Kosovë, morën pjesë rreth 46% e qytetarëve! KQZ numëron mbi 450 mijë vota, kryeson bindshëm Albin Kurti (Numërimi live)


I.K./b.ha./Shqiptarja.com
  • Sondazhi i ditës:

    A do të shkoni të votoni në zgjedhjet parlamentare të 25 prillit?



×

Lajmi i fundit

John

'Mirë bionde, por e dashka edhe kryetare', Rama batuta me dy të rinjtë në Korçë: E kishte hapur gojën aq sa po i futej trëndafili i PS-së brenda