POP 5

Lajmet më të lexuara të 5 minutave të fundit

Politikë

Zgjedhjet në Kukës, KQZ teston pajisjet për identifikimin elektronik! rreth 46 mijë qytetarë me të drejtë vote

Komisioni Qendror i Zgjedhjeve bëri testimin e pajisjeve të identifikimit biometrik për zgjedhjet e pjesshme të së dielës në Kukës. Më 24 shtator pajisjet e identifikimit biometrik do të jenë të shpërndara në 73 qendrat e votimit. Në Kukës, të drejtën e votës, e kanë rreth 46 mijë qytetarë.

Pesë ditë nga mbajtja e zgjedhjeve të pjesshme në bashkinë e Kukësit, Komisioni Qendror i Zgjedhjeve, zhvilloi testimin e pajisjes që do të bëjë identifikimin biometrik të votuesve.

Pajisja, që shmang votimin e dyfishtë dhe votimin në qendrën e gabuar, do të shpërndahet ditën e votimit në të 73 qendrat, sikurse ka ndodhur në zgjedhjet e kaluara.

Janë në total 45828 qytetarë me të drejtë vote, që të dielën i drejtohen kutive të votimit për të zgjedhur kryebashkiakun e Kukësit. Ata do të kenë vetëm një fletë votimi, ku do të jenë të renditur dy kandidatët e vetëm në garë. Numrin 1 e mban Albert Halilaj i socialistëve, ndërsa numrin 2 Emri Vata i koalicionit “Bashkë fitojmë”.

Zgjedhjet në Kukës zhvillohen pas skandalit që përfshiu ish kryebashkiakun Safet Gjici, vetëm disa javë pasi fitoi zgjedhjet e 14 majit. Aktualisht Gjici ndodhet në burg.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Ora e xhepit e njeriut më të pasur të Titanikut shitet për 1.5 milionë dollarë

Ora e xhepit e njeriut më të pasur të Titanikut shitet për 1.5 milionë dollarë

28 Prill, 10:31