POP 5

Lajmet më të lexuara të 5 minutave të fundit

Politikë

Zgjedhjet në Kukës, PS dhe BF kërkojnë regjistrimin e kandidatëve! Në garë Albert Halilaj dhe Emri Vata! PD e Bashës s’merr pjesë

Qytetarët kuksianë që janë të ftuar në zgjedhjet e pjesshme të 24 shtatorit do të zgjedhin mes dy alternativave, Albert Halilaj i PS dhe Emri Vata i koalicionit Bashkë Fitojmë. Emrat zyrtarë të kandidatëve janë dorëzuar sot në KZAZ dhe pritet të regjistrohen deri të hënën. PD-ja e drejtuar nga Lulzim Basha nuk ka paraqitur kandidat

Albert Halilaj i Partisë Socialiste dhe Emri Vata i "Bashke Fitojmë" janë në gare për Bashkinë e Kukësit.  Pranë KZAZ Kukes dorëzuan dokumentacionin e plote për kandidatet, Partia Socialiste dhe Koalicioni "Bashke Fitojme". KZAZ ka afat deri më 11 shtator për verifikimin e dokumentacionit, kohë kur nis zyrtarisht fushata për zgjedhjet e pjesshme lokale.

“Janë dorëzuar në KZAZ nr.11 dokumentet për dy kandidatët. Gjatë 24 orëve do verifikojmë dokumentet dhe më pas regjistrimin e kandidatëve pranë KQZ-së”, tha Sahit Doci kryetar i KZAZ

Pas këtij procesi do te nise edhe trajnimi për komisionarët e 79 Qendrave te Votimit dhe Grupet e Numërimit te Votave

“Trajnimet për komisionarët nga Komisioni Qendror i Zgjedhjeve do të bëhen javën e ardhshme”, tha më tej Doci.

Edhe pse u regjistrua si subjekt zgjedhor Partia Demokratike e drejtuar nga Lulzim Basha nuk paraqiti asnjë kandidat.  PD zyrtare ka deklaruar se shkak për mospjesëmarrjen në zgjedhje është koha e pamjaftueshme dhe konflikti i ndezur mes demokratëve.

Kukësi do të shkojë në zgjedhje më 24 shtator, pas video-skandalit seksual të ish-kryebashkiakut Safet Gjici. Prej 3 muajsh ai është në paraburgim dhe akuzohet nga SPAK për “korrupsion pasiv”.

M.Q./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Edison Ypi: Spiun dhe Bariton

Edison Ypi: Spiun dhe Bariton

25 Dhjetor, 21:10 nga Edison Ypi