Zgjedhjet në Mal të Zi, Abazoviç: Gjendja e mirë, s'ka tensione! Kontributin e kemi dhënë dhe do vijojmë të promovojmë vlerat për të cilat luftojmë

Kryeministri aktual i Malit të Zi, Dritan Abazoviç i është drejtuar qendrës së votimit dhe ka folur për mediat duke thënë se është i kënaqur për mbarëvajtjen e votimeve për zgjedhjet parlamentare.

Abazovic tha se kontributi i tij do të jetë i njëjtë derisa të përcjellë vlerat që përfaqësojnë.

“Atmosfera është shumë e relaksuar. Është shumë kënaqësi që si kryeministër të konstatoj se gjendja është shumë më mirë se ka qenë më parë. Nuk ka tensione. Partitë politike shumicën e debateve e kanë pasur për zhvillimin ekonomik dhe drejtimin e shtetit tonë drejt BE-së. Shpresoj se në këtë frymë edhe do të përfundojnë zgjedhjet. Jam i bindur se do të kemi një institucion shumë të mirë. Unë nuk kam dilema sepse kontributin tonë e kemi dhënë dhe do të vazhdojmë me të njëjtën forcë të promovojmë vlerat për të cilat luftojmë”, deklaroi Abazoviç.

 

Lajmi kryesor:

Zgjedhjet në Malin e Zi, rezultatet paraprake nxjerrin fituese lëvizjen 'Evropa Tani' të presidentit Milatoviç! 2 koalicionet shqiptare marrin 3 deputetë

A.M./Shqiptarja.com

TAG:
• zgjedhje parlamentare
• Dritan Abazovic
• mali i zi
• Jakov Milatoviç
• Aleanca Shqiptare
• Forumi Shqiptar
• milo gjukanovic
• genci nimanbegu
• nik gjeloshaj
• evropa tani
• Nikollë Camaj
• ferhat dinosha