POP 5

Lajmet më të lexuara të 5 minutave të fundit

Bota

Zgjedhjet në Tajvan, fiton Lai Ching, ‘problematiku’ i Kinës

Qytetarët e Tajvanit e kanë votuar Lai Ching-te si president të ardhshëm të vendit të shtunën, të cilin Kina e ka cilësuar si ngatërrestar dhe për të cilin kishte bërë thirrje të mos votohej. Zgjedhjet konsideroheshin një prej më të rëndësishmeve në botë, për shkak se mund të tensionojnë edhe më shumë marrëdhënien mes Pekinit dhe Tajvanit

Në Tajvan, ku u mbajtën një prej zgjedhjeve më të rëndësishme në rang global, tashmë rezultati është i qartë.

Lai Ching, i cilësuar nga Pekini si problematik, do të jetë presidenti i ardhshëm i Tajvanit, pasi rivali i tij më i afërt pranoi humbjen. Lai është etiketuar si një ngatërrestar nga Kina, e cila paralajmëroi qytetarët e Tajvanit të mos votonin për të, teksa kandidati tjetër në zgjedhje kishte premtuar lidhje më të mira me Pekinin dhe paqe në ngushticën e Tajvanit.

Me këtë votim, Tajvan hedhin poshtë kërcënimet kineze dhe i japin partisë në pushtet një fitore historike presidenciale të tretë radhazi.

I kujdesshëm me fjalët, duke i zgjedhur ato me kujdes, Lai ofroi dialog dhe bashkëpunim të bazuar në respektin reciprok.

Megjithatë ai e theksoi se "është i vendosur të mbrojë Tajvanin nga kërcënimi dhe frikësimi i vazhdueshëm nga Kina dhe do të ruajë status quo-në ndër ngushticat”

Lai, i cili prej vitit 2020 ka qenë zëvendëspresident, lufton për një Tajvan të pavarur dhe me identitet të ndarë kombëtar nga Kina. Tajvani ka qenë tregim i suksesshëm demokratik prej se i mbajti zgjedhjet e para presidenciale në vitin 1996, pas disa dekadave vuajtjeje kundër sundimit autoritar dhe ligjit ushtarak.

Ishull demokratik pretendohet si territor nga Kina kontinentale dhe nuk ka njohje ndërkombëtare si vend Para zgjedhjeve, Kina vazhdimisht e ka dënuar Lain si një separatist të rrezikshëm dhe i ka hedhur poshtë thirrjet e tij të vazhdueshme për bisedime.

M.Q./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Operacionet kundër krimit të organizuar dhe të kërkuarve, Operacionalja dhe FAST Albania bëjnë trajnime të përbashkëta: Taktikë dhe vetëmbrojtje

Operacionet kundër krimit të organizuar dhe të kërkuarve, Operacionalja dhe FAST Albania bëjnë trajnime të përbashkëta: Taktikë dhe vetëmbrojtje

17 Nëntor, 22:21