Zgjedhjet në Turqi, Erdogan: Pas suksesit të 14 majit, pres fitore në balotazh

Presidenti turk Rexhep Tajip Erdogan është zotuar për një fitore dërrmuese në balotazhin e zgjedhjeve presidenciale të 28 majit. 

“Tani është koha për të kurorëzuar suksesin që arritëm më 14 maj me një fitore më të madhe. "Ne jemi një aleancë që vendos vullnetin kombëtar dhe dashurinë për t'i shërbyer vendit dhe kombit në qendër të politikës së saj”, shkroi Erdogan në Twitter.

Ai shtoi se borxhin e mirënjohjes ndaj kombit mund ta shlyejnë vetëm duke punuar më shumë.

"Turkqia pret shërbim nga ne, pret veprime. Kombi ynë pret që ne të përmbushim qëllimet e tij," tha ai.

Miliona votues shkuan në kutitë e votimit të dielën për të zgjedhur presidentin e vendit dhe anëtarët e parlamentit të tij prej 600 vendesh. Aleanca Popullore e Erdoganit fitoi shumicën në parlament, ndërsa gara presidenciale do të shkojë në raundin e dytë të balotazhit më 28 maj, megjithëse Erdogan mori drejtimin në raundin e parë. Erdogan dhe konkurrenti i tij më i afërt do të përballen në raundin e dytë. Nga ana tjetër snalistët presin që kriza ekonomike e Turqisë të përkeqësohet pasi presidenti Tayyip Erdogan doli në krye në raundin e parë të zgjedhjeve presidenciale të vendit dhe partia e tij fitoi një shumicë parlamentare në një votim legjislativ.

A.M./KT/Shqiptarja.com

TAG:
• turqi
• erdogan