Zgjedhjet në Tuz/ Nik Gjeloshaj për Report Tv: Aleanca e 3 partive shqiptare, e vetmja rrugë për të fituar

Nik Gjeloshaj, kryetar i partisë "Alternativa Shqiptare", pjesë e koalicionit "Malësia na bashkon", tha në një lidhje telefonike për Report Tv, se bashkimi i partive shqiptare për të pasur për herë të parë një kandidat shqiptar që mund të fitojë zgjedhjet e komunës së Tuzit në Mal të Zi, ishte e vetmja rrugë për të dalë fitues.

Ai tregoi se procesi zgjedhor ka nisur me disa probleme të vogla, më së shumti teknike. Ka pasur vonesa në disa qendra votimi, për shkak të prishjes së kompjuterëve, tha ai, duke shtuar se nëse do të ketë vazhdimësi të problemeve, atëherë do të merret vendim politik për ecurinë e procesit zgjedhor.

Sot kemi arritur me dy subjekte të bëjmë koalicion parazgjedhor duke pasur bindjen që do shtohet nr i partive politike shqiptare. Kjo ishte rruga e vetme që të dalim fitues", - tha Gjeloshaj për Report Tv.

A është menduar për emrin e kandidatit nëse aleanca e shqiptarëve fiton votat maksimale? Nik Gjeloshaj thotë se emri do të mendohet më vonë. E rëndësishme sipas tij është të fitojë koalicioni  i tre partive shqiptare.

"Janë çështje individuale, tema që do vijnë pas fitores", - tha Gjeloshaj.

Partitë shqiptare janë bashkuar në koalicion parazgjedhor “Malësia na bashkon”. 11.800 votues u drejtohen 30 qendrave të votimit, për të zgjedhur kryetarin e komunës të ndarë nga Podgorica më 1 shtator 2018.

 

 


Lajmi kryesor:

Historike! Shqiptarët fitojnë Tuzin, por s'e zgjedhin kryetarin pa koalicion


G.M./r.k./Shqiptarja.com
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Arratisja e madhe në Ambasadën Greke, 17 qershor 1990, Në 'Esencë' Bujar Aliko! Sot ora 21:00 në Report Tv

Arratisja e madhe në Ambasadën Greke, 17 qershor 1990, Në 'Esencë' Bujar Aliko! Sot ora 21:00 në Report Tv