VIDEO/ Zgjedhjet në Tuz, Nik Gjeloshaj: Morëm shumicën absolute, falënderoj shqiptarët që na kanë përkrahur

Nik Gjeloshaj ka falënderuar të gjithë shqiptarët për mbështetjen, teksa konfirmoi se kanë fituar shumicën absolute në zgjedhjet që u mbajtën ditën e sotme në Tuz të Malit të Zi. Duke folur për mediat shqiptare, Gjeloshaj ka thënë se fitorja është përgjegjësi për të punuar më mirë për 4 vitet e ardhshme.

"Faleminderit të gjithë votuesve, se sot kanë dalë në mënyrë demokratike kanë shprehur vullnetin e tyre dhe kanë treguar se malësia do bashkim do zhvillim. Shqiptarët vazhdojnë me qeveris, kemi qeveris mirë. Kjo është nota që na kanë dhënë qytetarët e malësisë. Falënderoj të gjithë ata që në kanë përkrah, të gjithë diasporën, shqiptarët kudo që janë për mbështetjen që na kanë dhënë. Edhe kësaj here i kemi bashkuar shqiptarët kudo që janë. Fitorja absolute është përgjegjësi më e madhe për ne për të punuar edhe më shumë katër vitet e ardhshme", tha Gjeloshaj. 

 

Lajmi kryesor:

Nis festa kuqezi në Tuz të Malit të Zi, Forumi Shqiptar fiton shumicën absolute! Nik Gjeloshaj: Falënderoj shqiptarët për mbështetjen (VIDEO)

SI.E./Shqiptarja.com

TAG:
• nik gjeloshaj
• mali i zi
• Tuzi