Demokrati Joe Biden fitoi të hënën votimin shtet për shtet të Kolegjit Zgjedhor, që përcakton zyrtarisht presidencën në SHBA.
Kalifornia, shteti më i populluar i vendit, i dha Biden 55 votat e saj elektorale, duke bërë që ai të kapërcejë zyrtarisht totalin e 270 votave, të nevojshme për të siguruar Shtëpinë e Bardhë.
Bazuar në rezultatet e nëntorit, Biden fitoi gjithsej 306 vota të Kolegjit Zgjedhor kundrejt 232 të Republikanit Donald Trump. Pas zyrtarizimit të fitores së Joe Biden në zgjedhjet presidenciale, ka ardhur reagimi nga ana e Presidentit të Rusisë, Vladimir Putin. Ai ka uruar fitoren e demokratit si dhe ka shprehur gatishmërinë për të biseduar e bashkëpunuar me të.
Më herët gjatë ditës, elektorët në disa shtete kryesore fushë-betejë ku zoti Trump u përpoq pa sukses të ndryshonte rezultatin - Arizona, Xhorxhia, Miçigani, Nevada, Pensilvania dhe Uiskonsini - votuan gjithashtu për zotin Biden, i cili pritet të marrë detyrën në 20 Janar.
Në shtetin e Miçiganit, elektorët demokratikë shkuan në Kapitolin e shtetit të shoqëruar me makinat e policisë, për të shmangur protestuesit e armatosur pro-Trump që kishin planifikuar të demonstronin kundër fitores së Biden në këtë shtet.
Në shtetin jugperëndimor të Arizonës, ku zoti Biden u bë kandidati i parë demokrat për presidentit që arrinte fitore që nga viti 1996, zyrtarët e shtetit e mbajtën votimin në një objekt që nuk e kishin identifikuar për publikun për arsye sigurie, larg një takimi që po zhvillonin republikanët në selinë e legjislaturës së këtij shteti.
Në Delauer, shteti i vogël lindor që është edhe vendbanimi i Biden, ceremonia e votimit të Kolegjit Zgjedhor u zhvendos në sallën sportive të një kolegji, që shihej si objekt më i sigurt.
Tani që votimi i Kolegjit Zgjedhor ka përfunduar, nbetet edhe një hap i fundit.
Më 6 janar, Senati dhe Dhoma e Përfaqësuesve do të mblidhen në një sesion të përbashkët të Kongresit për të numëruar zyrtarisht votimin e Kolegjit Zgjedhor.
Aleatët e Trump në Dhomën e Përfaqësuesve, të udhëhequr nga kongresmeni Mo Brooks i Alabamës, thonë se ata do ta kontestojnë rezultatin në pesë shtete - Arizona, Pensilvani, Nevada, Xhorxhia dhe Uiskonsin - ku ata pretendojnë se manipulimet e gjera në votime i kushtuan Trump rizgjedhjen.
"Në bazë të Kushtetutës, ne kemi një rol më me peshë sesa Gjykata e Lartë, sesa çdo gjykatës federal, sesa çdo gjykatës i një shteti," tha zoti Brooks për gazetën New York Times. "Ne marrim vendimin përfundimtar."
Zyrtarët e zgjedhjeve në të pesë shtetet, përfshirë republikanët kryesorë në Xhorxhia dhe Arizona, e çertifikuan fitoren e Biden dhe thanë se nuk pati ndonjë mashtrim në numërimin e votave që mund të kishte ndikuar tek rezultati.
Asnjë Kongres nuk ka zhvleftësuar votat elektorale të një shteti që nga shekulli i 19-të dhe nuk ka gjasa të ndodhë as muajin e ardhshëm.
Por përpara se në Kongres të ketë ndonjë debat lidhur me protestën e kongresmenëve republikanë, të paktën një senator do të duhej t’i bashkohej përpjekjes për kontestimin e rezultatit. Deri tani askush nga senatorët nuk ka thënë se ai ose ajo do ta bënte këtë.
Nëse protesta në Kongres nuk pranohet, Nënpresidenti Mike Pence, i cili kryeson procesin, do të duhej të deklarojë se ai dhe zoti Trump i kanë humbur zgjedhjet.
Mesditën e 20 Janarit, 78-vjeçari Biden do të bëjë betimin në shkallët e Kapitolit si presidenti i 46-të i SHBA. Ai do të jetë udhëheqësi amerikan më i vjetër në moshë i zgjedhur ndonjëherë.
Zoti Trump, ende këmbëngul në mënyrë të pasaktë se ai ka fituar në zgjedhjet e muajit të kaluar.
"Kjo çështje nuk është mbyllur", tha zoti Trump për televizionin Fox News në një intervistë të dielën në mëngjes, megjithëse dhjetra padi lidhur me pretendimet e tij se po i mohohet padrejtësisht një mandat i dytë, janë hedhur poshtë nga gjykatat.
"Ne vazhdojmë përpjekjet. Kemi çështje të shumta në shkallë lokale. Ne fituam në Pensilvani. Fituam në Miçigan. Fituam në Xhorxhia me diferencë të madhe”, tha ai.
Kolegji Zgjedhor është ai që përcakton fituesin e zgjedhjeve presidenciale në SHBA jo vota popullore, megjithëse zoti Biden kryeson edhe në atë kategori, me më shumë se 7 milionë vota. / Marrë nga VOA
Pas zyrtarizimit të fitores së Joe Biden në zgjedhjet presidenciale, ka ardhur reagimi nga ana e Presidentit të Rusisë, Vladimir Putin.
Ai ka uruar fitoren e demokratit si dhe ka shprehur gatishmërinë për të biseduar e bashkëpunuar me të.
Sipas Putin Rusia dhe SHBA pavarësisht dallimeve, mund të zgjidhin shumë probleme dhe sfida me të cilat po përballet bota.
Më parë, Kremlini tha se do të priste për rezultatet zyrtare të zgjedhjeve përpara se të komentonte mbi rezultatin e saj, edhe kur kombet e tjera uruan Biden për fitoren në ditët pas votimit të 3 nëntorit.
“Nga ana ime, unë jam gati për ndërveprim dhe kontakt me ju,” citoi Kremlini Putinin.
“Putini i uroi presidentit të zgjedhur suksese dhe shprehu besimin se Rusia dhe Shtetet e Bashkuara, të cilat kanë një përgjegjësi të veçantë për sigurinë dhe stabilitetin global, munden, megjithë ndryshimet e tyre, të ndihmojnë vërtet për të zgjidhur shumë probleme dhe sfida me të cilat përballet bota,” thuhet në deklaratën zyrtare të Kremlinit.
Menjëherë pasi Kolegji Zgjedhor zyrtarizoi fitoren e tij, Presidenti Joe Biden në një deklaratë për shtyp u shpreh se vullneti i popullit fitoi mbi të gjitha. Në një fjalim të mbajtur Delaware, ai tha se demokracia u vendos në provë dhe u kërcënua, por rezultoi e qëndrueshme, e vërtetë dhe e fortë.
"Sundimi i ligjit, Kushtetuta jonë dhe vullneti i popullit fituan," tha Presidenti.
Biden u kërkoi amerikanëve ta hidhnin vështrimin përtej fushatës së zgjedhjeve të 3 nëntorit dhe përpjekjeve të Presidentit Donald Trump për të mos pranuar humbjen.
"Nëse dikush nuk e dinte më parë, tani ne e dimë. Ajo që rreh thellë në zemrat e popullit amerikan është demokracia… Është e drejta për t’u dëgjuar. Që vota juaj të numërohet. Që ju të zgjidhni udhëheqësit e këtij vendi. Që të qeverisni veten,” tha Biden.
Duke iu referuar përpjekjeve të republikanit për të përmbysur rezultatin e zgjedhjeve përmes sfidave ligjore që janë refuzuar nga gjykatësit në të gjithë spektrin politik, përfshirë Gjykatën e Lartë, Biden argumentoi se sistemi qeverisës i Amerikës mbetet i paprekur.
"Në Amerikë, politikanët nuk e marrin pushtetin, është populli që ua jep atyre", tha ai. “Flaka e demokracisë është ndezur në këtë vend shumë kohë më parë. Dhe tani ne e dimë se asgjë, madje as një pandemi, apo një abuzim i pushtetit, nuk mund ta shuajë atë flakë," deklaroi Biden.
Komente
Lajme të tjera
-
Donald Trump tallet përsëri me kryeministrin Trudeau dhe 'emëron' ish-lojtarin e hokejit si guvernatorin e ri të Kanadasë!
26 Dhjetor, 19:08 -
Fluturimi i dronit në Shtëpinë e Bardhë, urimet e fundit për festat e fundvitit të Biden për amerikanët
26 Dhjetor, 11:52 -
Pesë pyetje për 2025-ën
26 Dhjetor, 08:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
25 vjet Putin, nga miku në armik
25 Dhjetor, 12:41 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Trump tha se do të blejë Groenlandën, kryeministri i vendit i përgjigjet: Nuk jemi në shitje
24 Dhjetor, 14:16 -
Lufta në Ukrainë/ Përplasje mes Bratislavës dhe Kievit, Zelensky: Fico dëshiron të ndihmojë Putinin
24 Dhjetor, 07:32 -
Seuli: Mbi 1000 koreanoveriorë të vrarë apo të plagosur duke luftuar për Rusinë
23 Dhjetor, 22:43
Ky Trapi është kok e këmb me Puten
PërgjigjuDardha e ka bishtin mbrapa. Genje veten edhe ca site.
PërgjigjuHa m ti ha.