Zgjedhjet në veri të Kosovës, KFOR: Jemi të angazhuar, nëse kërcënohet stabiliteti, veprojmë sipas mandatit! Dy vendet të zbatojnë marrëveshjen

Misioni i KFOR është në gatishmëri të plotë për të garantuar mbarëvajtjen e procesit zgjedhor në veri të kosovës. Komandanti i KFOR Michele Rituccia deklaroi nga Brukseli se trupat e KFOR do jenë të angazhuara nëse kërcënohet stabiliteti dhe liria e lëvizjes.

Në prag të mbajtjes së zgjedhjeve në veri të Kosovës në komunat me shumicë serbe, komandanti i KFOR Angelo Michele Ristuccia ka deklaruar se janë të angazhuar të kryejnë misionin në përputhje me mandatin OKB-së. Sipas gjeneralit Ristuccia, trupat e KFOR do të jenë të angazhuara nëse kërcënohet stabiliteti, siguria dhe liria e lëvizjes, për të mirën e të gjithë qytetarëve që jetojnë në Kosovë, si dhe në dobi të stabilitetit rajonal”

Këto deklarata Gjenerali Ristuccia, i bëri pas takimit në selinë e NATO-s në Bruksel me zyrtarin e lartë Mircea Geoana, me ambasadorët evendeve anëtare dhe partnerët e vendeve të tjera që kanë trupa në KFOR.

“Ata theksuan mbështetjen e tyre të fuqishme për misionin në këtë udhëkryq të rëndësishëm për të ardhmen e Kosovës dhe stabilitetin e rajonit”, tha komandanti i KFOR. Ai përshëndeti Marrëveshjen për Normalizimin e Marrëdhënieve ndërmjet Kosovës dhe Serbisë, duke nënvizuar se thelbësore është që palët të fillojnë zbatimin në angazhimet e tyre sa më shpejt të jetë e mundur si dhe të shmangin zhbërjen e arritjeve të rëndësishme që tashmë janë bërë”.

Gjenerali Ristuccia po ashtu ka theksuar se ai si komandant i KFOR-it do të vazhdojë të luajë rolin e tij në mbështetjen e përpjekjeve që synojnë krijimin e sigurisë së përhershme për gjeneratat e ardhshme.

“Këtë do ta bëj në koordinim të plotë me të gjithë aktorët relevantë, përfshirë BE-në, OKB-në, OSBE-në dhe përfaqësuesit e institucioneve të Kosovës dhe organeve të saja të sigurisë”, ka thënë Ristuicca.

Në zgjedhjet e posaçne në komunat në veri, serbët kanë deklaruar se nuk do të marrin pjesë ndërsa autoritetet kosovare konfirmojnë se pavarësisht kësaj ato do të mbahen. Në margjinat diplomatike, çështja e zgjedhjeve konsiderohet të jetë një çështje e nxehtë politike dhe e sigurisë.

G.MO/KT/Shqiptarja.com

TAG:
• tensione ne veri te kosoves
• nato
• Marrëveshje Kosovë Serbi në Ohër
• serbi
• kosove
• KFOR