POP 5

Lajmet më të lexuara të 5 minutave të fundit

Bota

Zgjedhjet presidenciale në SHBA, Trump dhe Biden kritika të forta njëri-tjetrit (VIDEO)

 Florida, Ohajo apo Pensilvania, do të jenë fushat kryesore të betejes për zgjedhjet presidenciale në SHBA, në kohën kur kanë ngelur më pak se tre javë nga mbajtja e zgjedhjeve presidenciale dhe të dy kandidatët për Shtëpinë e Bardhë kanë filluar me akuzat ndaj njëri-tjetrit. 

Kanë ngelur më pak se tre javë nga mbajtja e zgjedhjeve presidenciale në SHBA dhe të dy kandidatët për Shtëpinë e Bardhë kanë filluar me akuzat, duke synuar kështu të sigurojnë mbështetës në shtetet të cilat besohet se do të përcaktojnë fatin e gartës zgjedhore si në Florida, Ohajo apo Pensilvania. Gjatë takimit në Pensilvani, kandidati republikan Donald Trump, e përqendroi fjalimin e tij duke kritikuar rivalin demokrat, të cilin e cilësoi një djalë të keq. Trump akuzoi Trump se ka braktisur vendin e tij të lindjes, ndërkohë që ai ka bërë të pamundurën dhe e ka shpëtuar atë. Në fjalën e tij a i e theksoi se për të është e paimagjinueshme të humbasë ndaj një kandidati të tillë.

"Partia Demokratike e urren fraksionimin. Ata e urrejnë qymyrin, urrejnë prodhimin e energjisë në familje. Dhe Biden do t'ju mbyllë. Ai dëshiron t'ju mbyllë, ashtu si guvernatori ju ka mbyllur deri tani."- tha Trump. 

Ndonëse ka pak ditë që ka dalë nga spitali pasi ishte infektuar me COVID-19, kreu i Shtëpisë së Bardhë u shpreh para mbështetës se ndihej si ‘Superman’, i aftë për të mposhtur çdo gjë.

Ndërsa ndalesa e radhës e Joe Biden ishte Florida,  një ditë pas takimit të mbajtur nga Trump, ku ai nuk kurseu kritikat për mënyrën dhe trajtimin që i ka bërë presidenti  votuesve të moshuar  dhe menaxhimin e krizës së shkaktuar nga COVID-19. Në fjalën e tij Biden theksoi deklaratat e Trump para se Amerika të kalonte shifrën e 200 000 të vdekurve., kur u shpreh se virusi nuk prek praktikisht askënd,  vetëm të moshuarit me zemër dhe probleme të tjera.

“Ai po fliste për ju. Me Donald Trump është e thjeshtë. Ju nuk jeni praktikisht askush. Kështu i sheh ai të moshuarit. Nuk është për t'u habitur”, tha kandidati demokrat për president.

Florida është edhe një herë një fushëbeteje në garën presidenciale të 3 nëntorit, pasi Biden ka një epërsi të qëndrueshme në sondazhet e opinionit kombëtar. Një fitore e Biden në Florida do të rrezikonte seriozisht shanset e presidentit për rizgjedhje dhe sondazhet më të fundit tregojnë se demokratët janë përpara me grupet kryesore, veçanërisht të moshuarit.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Rusia anashkalon sanksionet perëndimore, fillon përdorimin e Bitcoin në tregtinë ndërkombëtare

Rusia anashkalon sanksionet perëndimore, fillon përdorimin e Bitcoin në tregtinë ndërkombëtare

26 Dhjetor, 17:14