Zgjedhjet, Raunig: Procesi i numërimit ka nevojë për përmirësime
TIRANË, 4 Maj /ATSH/ – Kryetari i Prezencës së OSBE-së në Shqipëri, ambasadori Florian Raunig, në një intervistë për TVSH-në, ka folur për zgjedhjet e ardhshme vendore. Ambasadori Raunig thotë se shpreson për një pjesëmarrje të lartë në votime dhe që partitë të zhvillojnë një fushatë dinjitoze, duke u përqendruar te programet dhe jo te […]
Kryetari i Prezencës së OSBE-së në Shqipëri, ambasadori Florian Raunig, në një intervistë për TVSH-në, ka folur për zgjedhjet e ardhshme vendore.
Ambasadori Raunig thotë se shpreson për një pjesëmarrje të lartë në votime dhe që partitë të zhvillojnë një fushatë dinjitoze, duke u përqendruar te programet dhe jo te sulmi kundër kandidatëve.
Sipas tij, një nga hallkat e procesit zgjedhor që ka nevojë për përmirësim është procesi i numërimit. "Shqipëria, si një vend me numër zgjedhësish relativisht të vogël dhe me një administratë zgjedhore të trajnuar, mund t'i nxjerrë rezultatet mjaft shpejt, prandaj është detyra e administratës zgjedhore që të punojë me sa më shumë profesionalizëm e të mos ketë implikime partiake apo politike mbi procesin e numërimit", thotë ai.
Lidhur me shqetësimet e shprehura nga palë të ndryshme për blerjen e votës, të pasqyruara edhe në raportet e OSBE/ODIHR-it, Raunig thotë se është e domosdoshme që zgjedhësit të mos e lejojnë këtë fenomen të shëmtuar, që dëmton themelin e demokracinë, si dhe u bën thirrje atyre të denoncojnë raste të tilla në organet ligjore.
Ambasadori Raunig e cilëson si historik vendimin e parlamentit për një kuotë gjinore prej 50% për këshillat bashkiakë. Ai thotë se ky është një hap i madh në dy drejtime: së pari, gjysma e popullatës, gratë, kanë shansin të përfaqësohen më mirë në vendimmarrje; së dyti, me rritjen e faktorit grua në vendimmarrje, ai shpreson të ketë një ulje të nivelit të konfliktualitetit.
Raunig informon se ekspertët e parë të Misionit të OSBE/ODIHR-it për Vëzhgimin e Zgjedhjeve do të mbërrijnë këtë javë dhe se, gjithsej, është planifikuar të ketë 24 vëzhgues afatgjatë dhe 250 afatshkurtër.
Ai bën dallimin mes OSBE/ODIHR-it, organit të specializuar të OSBE-së për vëzhgimin e zgjedhjeve dhe Prezencës së OSBE-së në Shqipëri, e cila nuk vëzhgon zgjedhjet, por bashkëpunon në vijimësi me Komisionin Qendror të Zgjedhjeve, qeverinë, opozitën, parlamentin dhe shoqërinë civile për përmirësimin e proceseve zgjedhore. /atsh/
Sondazhi i ditës:
Arrestohet Beqaj, po i përmbush SPAK pritshmëritë në luftën e korrupsionit?
-
Po
45.4%
-
Jo
48.2%
-
Nuk e di
6.4%
Vota total: 1800
Votat totale janë unike
Lajme të tjera
-
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59
-
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51
-
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45
-
Basha takon ambasadoren e OSBE, në fokus reforma zgjedhore dhe drejtësia
18 Prill, 19:56
-
Celibashi diskuton me përfaqësues të ODIHR për auditimin e teknologjive në zgjedhje: Vendosëm piketat për bashkëpunim të ngushtë teknik
13 Prill, 19:27
-
Prezenca e OSBE-së organizon vizitë në Suedi për gazetarët shqiptarë, për të përmirësuar raportimin për çështjet e sigurisë
13 Prill, 14:03
-
Ambasadorët e QUINT-it në OSBE vizitë në Shqipëri: Përmbushni rekomandimet e ODIHR për reformën zgjedhore
19 Mars, 17:52
-
Gjiknuri dhe Alibeaj takohen me përfaqësuesit e ODIHR-it, dakordësim për mënyrën e hartimit të drafteve ligjore për ndryshime në Kodin Zgjedhor
4 Mars, 17:30
-
OSBE trajnon qentë…
2 Mars, 18:06
-
Celibashi takon kryetaren e misionit të OSBE-së: Zhvilluan një bisedë të thelluar mbi Reformën Zgjedhore në Shqipëri
16 Shkurt, 15:34
-
Sot Dita Ndërkombëtare Përkujtimore e Holokaustit, ish-ambasadori i OSBE: Si i shpëtuan shqiptarët hebrenjtë nga nazistët
27 Janar, 08:59
-
Një ditë para mbledhjes së komisionit për 'Zgjedhoren', OSBE apel deputetëve: Kontribuoni për një proces parlamentar funksional
18 Janar, 16:50