POP 5

Lajmet më të lexuara të 5 minutave të fundit

Politikë

Zgjedhjet, SHBA e OSBE: Jo
më zgjidhje të nxituara, rrezik

Në një tryezë për administrimin e zgjedhjeve, organizuar nga komisioni kuvendor për reformën zgjedhore, ambasadori i SHBA, Aleksandër Arvizu dhe ai i OSBE, Eugen Wollfarth kanë deklaruar se duhet hequr përfundimisht dorë nga vendimet e minutës së fundit në përmirësimet e proceseve zgjedhore në Shqipëri. Arvizu: Mos sabotoni zgjedhjet; OSBE: Më shumë besim te njëri – tjetri. (Në foto: Kryeparlamentarja Topalli dhe ambasadorët Arvizu e Wollfarth sot në tryezë)
Zgjedhjet, SHBA e OSBE: Jo<br />më zgjidhje të nxituara, rrezik
TIRANË – Ndërkombëtarët i kërkojnë politikës shqiptare të mos vonohet më për realizimin e Reformës Zgjedhore. Në një tryezë për administrimin e zgjedhjeve, organizuar nga komisioni kuvendor për reformën zgjedhore, ambasadori i SHBA, Aleksandër Arvizu dhe ai i OSBE, Eugen Wollfarth kanë deklaruar se duhet hequr përfundimisht dorë nga vendimet e minutës së fundit në përmirësimet e proceseve zgjedhore në Shqipëri.

ARVIZU
Në fjalën e tij, ambasadori amerikan, Arvizu ka theksuar se kodi aktual është bazë e mirë, por ka disa boshllëqe, të cilat duhen realizuar.
“Duhen respektuar afatet kohore që gjërat të mos lihen për në momentin e fundit. Respektimi i afateve do të bëjë të mundur që të mos i lihen përgjegjësitë palës tjetër dhe të sabotohen zgjedhjet e 2013-ës. Zgjedhjet e shkuara kanë pasur disa hapa pozitivë, por kanë pasur edhe mjaft mangësi të cilat janë vërejtur edhe nga institucionet ndërkombëtare. Institucionet ndërkombëtare po ndihmojnë të adresojnë çështjet e duhura në reformën zgjedhore, për SHBA është e rëndësishme që këto çështje të vihen sa më shpejtë në zbatim si dhe rekomandimet e OSBE/ODIHR për zgjedhjet në Shqipëri. Është e rëndësishme që në zgjedhjet e 2013 të ketë një bazë në reformën zgjedhore e të mos mbeten për në minutën e fundit siç ka ndodhur shpesh, është e rëndësishme të mos ketë mangësi të cilat çojnë në bllokimin e procesit apo në kalimin e përgjejgësive tek njëra palë apo tek pala tjetër. Zgjedhjet e 2013 nuk duhet të shihen si proces që secila palë të shoh forcën e saj, por është tepër e rëndësishme për qytetarët dhe ecjen drejt demokracisë “, tha kryediplomati amerikan në Tiranë.


WOLLFARTH
I prerë në fjalën e tij është treguar edhe ambasadori i OSBE, organizmi, i cili prej vitesh asiston zgjedhjet në vendin tonë.
“Zgjidhjet e nxituara të minutës së fundit nuk mund të jenë më alternativë. U bëj thirrje të gjitha palëve që t'i përqendrojnë energjitë e tyre në arritjen e një reforme të plotë, tërësore dhe përfundimtare. Ekzistenca e një vullneti politik dhe besimi të ndërsjellë është thelbësore. Pres me padurim të shoh nga Komisioni zgjidhje jetëgjata dhe në kohën e duhur, të cilat duhet të vijnë si rezultat i një pune konstruktive nga të gjitha palët. Edhe këtu fjala kyçe është: besim!”, deklaroi Wollfarth në tryezën e kësaj të hëne.

TOPALLI
Kryeparlamentarja Topalli në fjalën e saj vlerësoi se që prej marrëveshjes së 14 nëntorit të vitit të kaluar është bërë përparim në shumë kapituj të kodit zgjedhor.
“Ftoj forcat politike parlamentare dhe aktoreët e tjerë që të mundesojnë në kohën e duhur amendamentet e Kodit që plotësojnë rekomandimet e OSBE. Kjo reformë duhet të plotësojë boshlliqet si votimit familjar, bojkoti, vendosja e shenjtërisë së ligjit dhe jo urdhërit politik. Reforma zgjedhore është detyrë. Në rolin tim garantoj mbështetje të plotë për punën tuaj të përbahkët”, tha Topalli.

Në dy ditët në vijim, anëtarët e komisionit kuvendor, juristë dhe ekspertë të fushës, të asistuar edhe nga ekspertiza ndërkombëtare do të disktuojnë për teknologjitë e reja në zgjedhje dhe administrimin e tyre.

(aq/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Max Verstappen shpallet kampion bote në Formula 1, titulli i katërt në karrierë

Max Verstappen shpallet kampion bote në Formula 1, titulli i katërt në karrierë

24 Nëntor, 09:10