Zgjedhjet vendore të 14 majit, Meta: Kemi pritshmëri për fitore bindëse në Tiranë, Durrës dhe Elbasan

 

Kryetari i Partisë së Lirisë, Ilir Meta u shpreh i bindur për një fitore të opozitës në 3 prej qyteteve më të mëdha të vendit, Tiranës, Durrësit dhe Elbasanit. Në një deklaratë për mediat, Meta tha se do të do të respektonte marrëveshjen që ka bërë me Berishën për të mbështetur kandidatët e primareve të Rithemelimit në kuadër të zgjedhjeve vendore që do mbahen në 14 maj. 

“Ne kemi një marrëveshje publike me PD-në, do mbështesim kandidatët e Primareve në gjithë Shqipërinë. Kandidatët janë të opozitës kudo ku janë. Marrëveshja jonë është shumë e qartë, këshillat bashkiakë do i rikthehen qytetarit dhe do ketë seanca të veçanta ku do konsultohen qytetarët për problematikat e tyre. Ajo që nuk negociojmë është llogaridhënia dhe transparenca para qytetarëve. Ky është misioni ynë. Pritshmëritë janë për një fitore bindëse në Elbasan, Tiranë dhe në Durrës. Sa i takon qarkut nuk mund të them se e njoh situatën në gjithë qarkun si ju, por pa diskutim bashkia e Elbasanit do i rikthehet qytetarëve"-tha Meta mes të tjerash.

LEXO EDHE:
Elbasan/ Makina përplas motorin, lëndohen drejtuesi dhe pasagjeri

Lajmi kryesor:

Krah tij edhe Boçi, Meta në Elbasan: Presim fitore bindëse edhe në Tiranë dhe Durrës! Dëshmia në SPAK? Nuk ka institucion në botë që më bën presion

B.V/r.k./Shqiptarja.com

TAG:
• Ilir Meta
• Partia e Lirise
• Elbasan