Zgjedhjet, Vulin: Fletëvotimet pa
simbole shtetërore të Kosovës

BEOGRAD- Lista unike serbe do të korrë fitore absolute në të gjitha komunat me shumicë serbe, thotë Aleksandar Vulin drejtor i Zyrës për Kosovë në Qeverinë e Serbisë. Ai thotë se serbët në asnjë mënyrë nuk do të pranojnë që në materialin zgjedhor të figurojë simboli i Republikës së Kosovës.

“Milorad Dodik, kryetar i Republikës Srpska, me të drejtë është shumë i respektuar në Kosovë, prandaj pse mos ta kemi edhe ne Dodikun tonë”, ka thënë Vulin për gazetën serbe “Danas”.

”Prishtina frikësohet se do të ndodhë që serbët të kenë, kryetarin e Komunës, shefin e policisë, prokurorin edhe në qoftë se ata do të jen përfaqësues legjitim të tyre ”, ka thënë Vulin.

Ai ka shtuar se presionet me të cilat po përballen për shkak të dëshirës që të formojnë listën unike serbe për zgjedhjet lokale në Kosovë, tregon se kjo është një përgjigje e duhur në situatën aktuale.

Vulin ka thënë se të gjitha bisedimet janë proces në vazhdim. Sipas tij, Prishtinë vazhdimisht do të kërkojë arsyetime dhe ta vërtetojë veten si një shtet. “Ne këtë nuk e lejojmë. Këtu paraqitet ndërprerja”, tha ai.

Ai thotë se Prishtina mendon se në fletëvotime dhe në materialin tjetër zgjedhor duhet të figurojë simbolet e shtetit të Kosovës.

“Kjo për neve është e papranueshme. Për këtë ekziston OSBE, roli i të cilit për organizimin e zgjedhjeve do të jetë vendimtar, në mënyrë që zgjedhjet të mos paraqesin legalizimin e spastrimit etnik. Për këtë ne zëshëm kemi thënë se në qoftë se shkon EULEX-i, sa na përket neve gjithçka nis nga fillimi”, tha Vulin.

Marrë nga "RTK"

Redaksia Online
(e.s/shqiptarja.com)

TAG:
• OSBE