POP 5

Lajmet më të lexuara të 5 minutave të fundit

Politikë

Zgjerimi i Parkut të Tomorrit/ Jamarbër Malltezi: Lejet për guroret u dhanë nga qeveria e Ramës

Maltezi deklaron se “protesta” e Klosit me disa militantë ishte  e turpshme pasi lejet për guroret janë dhënë nga qeveria e kryeministrit Rama.

Zgjerimi i Parkut të Tomorrit/ Jamarbër Malltezi: Lejet për guroret u dhanë nga qeveria e Ramës

Kreu i Departamentit të Mjedisit në Partinë Demokratike, Jamarbër Malltezi, më anë të një reagimi ka hedhur akuza ndaj ministrit të Turizmit, Blendi Klosi në lidhje me protestën e mbajtur sot në Berat kundër vendimit të Gjykatës Administrative të Tiranës për të mos pranuar zgjerimin e Parkut Kombëtar të Tomorrit.

Maltezi  e cilëson protestën e Klosit me disa banorë të zonës së Beratit si të neveritshme dhe të turpshme. Më pas thotë që shoqëritë që operojnë në zonë e kanë hedhur në gjyq qeverinë dhe e kanë fituar gjyqin me të, pasi VKM eshte miratuar pa ndjekur asnjë procedure dhe subjektet janë të licensuar nga vete qeveria Rama për shfrytëzim të guroreve në zonën e zgjeruar me VKM-në e vjetshme.

Reagimi i plotë i PD:

Sa më shumë zona të mbrojtura, të kete në Shqiperi dhe jo beton oligarkësh, sa më shumë pyje dhe jo zona kanabisi, aq më mirë është për vendin. Por kjo “protesta” e sotme e Blendi Klosit me disa militantë, për gjoja mbrojtjen e Parkut Kombëtar në Malin e Tomorrit, është e neveritshme dhe e turpshme! 

Blendi Klosi “protestonte” sot kundër vendimit të Gjykatës, e cila  me kërkesën e shoqërive private, ka rrëzuar VKM e vitit 2018 për zgjerimin e Parkut Kombëtar edhe në zonat tradicionale të gurorëve. 

(Nuk kam ndërmend të komentoj VKM për zgjerimin e Parkut, që sipas ekspertëve është demagogji, sepse çfarë ia vlen për t’u ruajtur atje, është vendosur në ruajtje në 2012-ën. Nuk do të komentoj as gjetjet e gjykatës, që sjell prova se VKM nuk ka zbatuar asnjë procedurë.)

Ajo që e shoh si skandaloze dhe tallje të rëndë me qytetarët është shfaqja e turpshme e Blendi Klosit. Siç shikojet edhe në dokumentat e paraqitur para gjykatës, shoqëritë e kanë hedhur në gjyq qeverinë dhe e kanë fituar gjyqin me të, pasi VKM eshte miratuar pa ndjekur asnje procedure dhe subjektet janë të licensuar nga vete qeveria Rama për shfrytëzim të guroreve në zonën e zgjeruar me VKM-në e vjetshme. 
Keto licensa jane rinovuar  herë pas here. Njëra prej tyre, që del në dokumentat e gjykatës është e vitit 2016, kështu që Blendi Klosi mund të pyesë Damian Termetin dhe Lefter Kokën për më shumë detaje. 

Nese qeveria donte te zgjeronte vijen e parkut kombetar te tomorrit, do te  duhej qe
a) te anulloje lejet dhe livensat qe ka leshuar Rama-gjiknuri-balluku-koka per guroret. 
b) te hape proces konsultimi publik sipas ligjit
c) ndryshimin e perdorimit te tokes ta kaloje ne KKT sic e kerkon ligji

(Per me teper nese Klosit i qan zemra per zonat e mbrojtura mjafton te mos i jape gjithe buxhetin prej 800,000 eurosh te agjensise se zonave te mbrojtura pikerisht drejtorit Dedej shok te edi rames qe ka formuar dy shoqata per te perlare gjithe buxhetin. Ose te heqe guroret nga fondi pyjor mu buze detit ne Palase fjala bie).

Prandaj, shfaqja e sotme është poshtëruese për shqiptarët, që, për fatin e keq, drejtohen nga një qeveri që i vjedh natën e i qan ditën.




Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Fitoi me nokaut në raundin e parë në UFC, boksieri shqiptar i vendos plisin Joe Rogan-it dhe i drejtohet publikut në gjuhën amtare

Fitoi me nokaut në raundin e parë në UFC, boksieri shqiptar i vendos plisin Joe Rogan-it dhe i drejtohet publikut në gjuhën amtare

17 Nëntor, 22:00