Kuvendi i Malit të Zi zgjodhi Qeverinë e 44-të, pas seancës plenare që zgjati tërë natën. Kryeministri i ri i Malit të Zi do të jetë, Millojko Spajiç, kryetar i ‘Lëvizjes Europa Tani’. Pas javësh negociatash, parlamenti i Malit të Zi emëroi qeverinë e re, një koalicion partish pro-europiane dhe pro-serbe që pritet ta udhëheqin vendin në përpjekjen e tij për t'u bashkuar me Bashkimin Evropian.
Qeveria mori mbështetjen e 46 deputetëve nga partia e Spajiçit, nga partia pro-ruse Fronti Demokratik që është shpërbërë së fundi, Demokratët, Partia Popullore Socialiste dhe partitë shqiptare. 19 deputetë votuan kundër, 1 abstenoi dhe pesë deputetë munguan në seancë gjatë votimit.
Qeveria e re, e udhëhequr nga ekonomisti Milojko Spajiç, do të ketë 18 ministri dhe pesë zëvendëskryeministra. Ai do të përfshijë demokratët pro-evropianë të qendrës së djathtë, Partinë Popullore Socialiste pro-Serbe dhe pesë parti të pakicës shqiptare. Drejtimi i tre ministrive Ekonomisë, Të Drejtave të Njeriut dhe Administratës Publike u është besuar shqiptarëve. Nik Gjeloshaj do të jetë zëvendëskryeministër, njëherazi edhe ministër i Ekonomisë.
Në fjalën e tij para deputetëve, Spajiç tha se “anëtarësimi i plotë” në Bashkimi Evropian, anëtarësimi “aktiv dhe i besueshëm” në NATO, përmirësimi i lidhjeve rajonale dhe marrja e një roli më aktiv në organizatat multilaterale do të jenë katër prioritetet kryesore të ekzekutivit të tij.
Ai tha se politikat ekonomike do të synojnë të përmirësojnë standardet e jetesës së popullsisë së Malit të Zi prej vetëm 620,000 banorësh dhe përfshijnë reforma që mundësojnë më shumë të ardhura fiskale, investime, një klimë më të mirë biznesi dhe gjyqësor.
"Katër përparësitë tona kryesore të politikës së jashtme janë anëtarësimi i plotë në BE, anëtarësimi aktiv dhe i besueshëm në NATO, përmirësimi i marrëdhënieve të mira me fqinjët dhe forcimi i rolit të vendit në organizatat shumëpalëshe," u tha Spajiç deputetëve.
Koalicioni i qendrës Evropa Tani fitoi zgjedhjet e parakohshme parlamentare të mbajtura në qershor, por nuk arriti të fitonte mjaftueshëm sa të krijonte vetë Qeverinë.
Votimi i Qeverisë së Malit të Zi vjen pasi aleanca pro-serbe dhe pro-ruse Për një Mal të Zi më të mirë, që udhëhiqet nga Andrija Mandiç, u pajtua të mbështeste zgjedhjen e Spajiçit, në këmbim që Mandiç të zgjidhej kryetar i Parlamentit. Gjatë fushatës zgjedhore, Mandiç ka bërë thirrje për raporte më të ngushta me Rusinë, ka kritikuar anëtarësimin e Malit të Zi në NATO dhe ka folur kundër referendumit të vitit 2006 që çoi në shkëputjen e shtetit nga Serbia.
Qeveria e re e Malit të Zi i jep fund udhëheqjes së ekzekutivit me mandat teknik të Dritan Abazoviçit, Qeveria e së cilit u rrëzua përmes një mocioni të mosbesimit në gusht të vitit 2022.
Qeveria e re e Malit të Zi është votuar pas një diskutimi që zgjati gjithë natën. Qeveria mori mbështetjen e 46 deputetëve, 19 votuan kundër dhe 1 abstenoi.
Qeveria e re i jep fund udhëheqjes së ekzekutivit me mandat teknik të Dritan Abazoviçit, Qeveria e së cilit u rrëzua përmes një mocioni të mosbesimit në gusht të vitit 2022.
Abazoviç i ka dorëzuar detyrën kryeministrit të ri të 44, ndërsa i ka uruar suksese.
“Siç diktojnë sjelljet demokratike, sot në mëngjes u bë transferimi i detyrës! Kryeministrit të ri dhe të 44-tës i urova suksese. Qeverisë. Se Mali i Zi gjithmonë ul vetëm sukseset dhe qëndron në rrugën e duhur!”, thotë Abazoviç.
Kuvendi i Malit të Zi zgjodhi Qeverinë e kryeministrit Millojko Spajiç, pas seancës plenare që zgjati tërë natën. Qeveria mori mbështetjen e 46 deputetëve, 19 votuan kundër dhe 1 abstenoi.
Qeveria e re do të ketë 18 ministri dhe pesë zëvendëskryeministra. Ai do të përfshijë demokratët pro-evropianë të qendrës së djathtë, Partinë Popullore Socialiste pro-Serbe dhe pesë parti të pakicës shqiptare. Mes posteve të zëvendëskryeministrave, ai i Politikave Ekonomike i është besuar shqiptarit Nik Gjeloshaj, i cili do të mbajë njëherazi edhe postin e ministrit të Ekonomisë. Fatmir Gjeka është ministër për të Drejtat e Njeriut dhe Minoriteteve dhe Marash Dukaj është Ministër i Administratës Publike.
Kujtojmë se Nik Gjeloshaj, bëri marrëveshje me Millojko Spajiç, i cili ka marrë shumicën e votave. Por për krijimin e shumicës, nevojiteshin edhe votat e partive pro-serbe. Ato vetë nuk do të jenë pjesë e qeverisë, por do kenë vetëm postin e Kryetarit të Kuvendit.
Negociatat ishin të vështira, pasi programet e dy partive nuk përputheshin, veçanërisht në qëndrimin ndaj Serbisë. Pra, Gjeloshaj deklaroi se hyn në aleancë me Spajiç me kushtet e panegociueshme që Mali i Zi të vazhdojë të mbajë drejtimin pro-europian, të mbrojë të drejtat e Ukrainës dhe të mbështesë Bashkimin Europian kundër Rusisë.
Kabineti qeveritar
Ministrat nga PES janë Filip Ivanoviç (punë të jashtme), Maida Gorçeviç (punë evropiane), Angjela Jakshiq Stojanoviç (arsim, shkencë dhe inovacion), Novica Vuković (financa), Filip Radulović (transport), Andrej Milović (planifikimi hapësinor, urbanizmi dhe prona shtetërore), Vojislav Šimun (shëndetësia), Naida Nišić (puna dhe kujdesi social) dhe Sasha Mujović (energjia dhe miniera).
Aleksa Beçiç, është Zëvendëskryeministër për Sigurinë, Politikën e Brendshme, Çështjet Evropiane dhe të Jashtme dhe Momo Koprivica zëvendëskryeministër për Sistemin Politik, Drejtësinë dhe Kundër Korrupsionit.
Dragan Krapoviç është ministër i Mbrojtjes, Vladimir Martinovic është ministër i Turizmit, Ekologjisë dhe Zhvillimit të Qëndrueshëm, ndërsa Tamara Vujovic është Ministre e Kulturës dhe Mediave. Ministër i Punëve të Brendshme është Danilo Šraranoviç.
Boris Bogdanoviç ishte planifikuar për pozitën e ministrit të Brendshëm, por ai mbrëmë njoftoi se po tërhiqej “për shkak të komplikimeve të gjendjes shëndetësore të dy anëtarëve të familjes”. Demokratët propozuan një tjetër kandidat për ministër të Punëve të Brendshme, Sharanoviç, nënkryetar aktual i Podgoricës.
Zëvendëskryeministri për Punë, Arsim, Shëndetësi dhe Çështje Sociale është Srđan Pavićević nga CIVIS.
Sa i përket partive shqiptare, Nik Gjeloshaj është zëvendëskryeministër për Politikat Ekonomike dhe Ministër i Zhvillimit Ekonomik, Fatmir Gjeka është ministër për të Drejtat e Njeriut dhe Minoriteteve dhe Marash Dukaj është Ministër i Administratës Publike.
Presidenti i Partisë Popullore Socialiste (SNP) Vladimir Joković është Ministër i Bujqësisë, Pylltarisë dhe Menaxhimit të Ujërave, dhe Zëvendës Presidenti i PKSH Dragoslav Šćekić është Zëvendëskryeministër për Demografinë dhe Rininë dhe Ministër i Sportit dhe Rinisë.
Komente
Lajme të tjera
-
Mali i Zi, opozita bojkoton Parlamentin për shkak të Gjykatës Kushtetuese
21 Dhjetor, 22:33 -
Mali i Zi dhe Shqipëria përpara, të tjerët mbeten të bllokuar
16 Dhjetor, 08:39
-
Integrimi në BE/ Kroacia bllokon kapitullin 4 për Malin e Zi, kërkon zgjidhjen e pronësisë së anijes 'Jadran'
14 Dhjetor, 09:50 -
Fotot/ Ministri shqiptar në qeverinë Malazeze, Marash Dukaj, merr çmimin e madh “Grand Albanian Excellence” në Tiranë
12 Dhjetor, 10:08 -
Drejtoria e Arkivave marrëveshje bashkëpunimi me Malin e Zi, Bido: Synojmë të arrijmë standardet ndërkombëtare
6 Dhjetor, 14:28 -
Hapet traseja e rrugës së re Shirokë-Zogaj, shkon deri në pikën kufitare me Malin e Zi (VIDEO)
4 Dhjetor, 16:55 -
Kërkesat për azil në Europë nga shtetasit nga Shqipëria dhe Kosova mbeten të larta
4 Dhjetor, 15:20 -
Hapet traseja e rrugës nga pika kufitare me Malin e Zi deri në Zogaj, Rama: Do të ketë trotuar dhe korsi biçikletash
4 Dhjetor, 11:05 -
Bëri shqiponjën dykrenore më 28 Nëntor, nën hetim ushtari malazez
3 Dhjetor, 13:30 -
Kapet 30 vjeçari nga Mali i Zi në Muriqan! Do ekstradohet në Francë pasi akuzohet për përdhunim dhe kryerje marrëdhenie seksuale me të mitur
29 Nëntor, 11:45 -
'Kosova është Serbi', autorët e mbishkrimit, pjesëtarë të ushtrisë në Mal të Zi
28 Nëntor, 13:06 -
Kickbox/ Skandal në Malin e Zi, arbitri godet me trofe në fytyrë trajnerin kosovar (Video)
24 Nëntor, 11:43
Tradhtar idiot
Përgjigju