GJERMANI- Dy fëmijë shqiptarë të moshës 11 dhe 10 vjeç janë shpallur të zhdukur, teksa nëna e tyre ka akuzuar babanë e fëmijëve, bashkëshortin e saj si autor të rrëmbimit.
Bëhet fjalë për dy fëmijët Kristian dhe Amantia Toska, 11 dhe 10 vjeç. Nëna ka bërë denoncimin më 17 janar të këtij viti për rrëmbimin e fëmijëve të saj nga babai në Gjermani, e ndërsa hetimet janë shtrirë deri në Spanjë, kjo sepse ka dyshime që ato fshihen në ishullin Tenerife.
Autoritetet kanë kërkuar edhe ndihmën e qytetarëve për të bashkëpunuar në gjetjen e të miturve, teksa kanë publikuar fotot e tyre si dhe një përshkrim të detajuar të pamjes së tyre. Siç shihet, Kristian Toska ka flokë ngjyrë kafe, sy kaf dhe mban syze e ndërsa motra e tij, Amantia ka flokë të gjatë, kaçurrele me sy kaf dhe një trup të imët.
![](https://shqiptarja.com/template/img/NO_ALFA_Kuadrate shqiptarja.png)
Foto e publikuar nga autoritetet gjermane
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)