POP 5

Lajmet më të lexuara të 5 minutave të fundit

Sociale

“Zhurma” për më shumë se 3 muaj në QSUT dhe zjarri që ‘dogji’ drejtoreshën

Prej 11 shkurtit të këtij viti jashtë shërbimi për shkak të zjarrit, urgjenca e QSUT-së pritet të kthehet në funksion të plotë në fillim të muajit qershor.

Pas 3 muajve e gjysmë nga zjarri i 11 shkurtit, Urgjenca e QSUT pritet të kthehet me shërbime të plota për qytetarët në fillim të qershorit.

Punimet për rehabilitimin e saj zgjatën afro 2 muaj. 30 milionë lekë i kushtoi buxhetit të shtetit kthimi në normalitet i urgjencës, siç ministrja e Shëndetësisë kish njoftuar, pas zjarrit të 11 shkurtit në katin -2 të godinës të inauguruar 1 vit më parë, për sëmundjet e brendshme.

Koston reale e pësuan qytetarët të cilëve në pritje të ndihmës së shpejtë në spitale të tjera si Trauma e Sanatoriumi në Tiranë, të cilat u përballën me fluks të pazakontë duke trajtuar edhe rastet urgjente të QSUT me 50-60 raste në ditë.

Nga kjo e premte dhomat në pavion që ishin jashtë shërbimi, janë rikthyer në funksion, por ende po kryhen testime për rikthimin e plotë të shërbimit të sigurtë për qytetarët.

Një shkëndijë elektrike në një nga dhomat teknike në katin e 2-të dëmtoi të gjithë sistemin elektrik dhe nxorri jashtë një pjesë të mirë të aparaturave imazherike. Prokuroria e Tiranës, e cila sekuestroi dhe dosjen e tenderit për ndërtimin e urgjencës, po heton ende për shkaqet që pritet të dalin nga ri-ekspertimi pasi akti i parë i ekspertizës e vlerësoi zjarrin aksidental si pasojë e keqfunksionimit të baterive. Organi i akuzës kërkon të specifikojë nëse incidenti ka apo jo lidhje me standardet e punimeve për rikonstruksionin e spitalit, një investim me vlerë 17 milionë euro.

Në ditët e 44 të urgjencës jashtë shërbimit, Albana Fico deklaroi dorëheqjen nga drejtimi i Urgjencës së QSUT-së pas më shumë se 2 vitesh në krye, vend që e mban tashmë mjekja Alma Cani. Vendimi erdhi pas situatës kaotike të krijuar me urgjenca e në mesin e presionit nga opozita për të dhënë shpjegime se çfarë ndodhi në të vërtetë me urgjencën e re të QSUT-së.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34