Një arab, në bashkëpunim me dy shqiptarë, u premtonte shtetasve të huaj me kombësi egjiptiane se mund t’ju siguronin pasaporta shqiptare në këmbim të shumave që varionin mbi 20 mijë euro.
Në një operacion të koduar “Përshpejtimi” u arrestua, T. M., 41 vjeç, lindur në Emiratet e Bashkuara Arabe, dhe banues në Tiranë.
Në gjendje të lirë po hetohet shqiptari E. M., 40 vjeç dhe u shpall në kërkim një grua, gjithashtu shqiptare, 49-vjeçarja M. M
Sipas policisë, në bashkëpunim me njëri-tjetrin duke u kamufluar si investitor dhe partner për investime në Shqipëri, u premtonin të huajve me kombësi egjiptiane se mund t’u siguronin atyre pasaporta të shtetit shqiptar.
Si funksiononte skema
Ndërmjet një zyre binjakëzimi midis Emirateve të Bashkuara dhe Tiranës, u kanë marrë disa shtetasve egjiptianë shuma të konsiderueshme në euro duke ju premtuar leje qëndrimi dhe pasaporta shqiptare. Këto premtime nuk janë bërë të mundura, pasi nuk kanë bërë as aplikimin për dokument të tillë si pasaporta dhe leja e qëndrimit për shkak të rregullave dhe dokumenteve strikte që kërkoheshin nga zyra e Kufirit dhe Migracionit.
Policia thotë se në cilësinë e provës materiale janë sekuestruar:
- Zyra në Tiranë e shtetasit të arrestuar arab
- Tre njësi kompjuterësh të ndryshëm
- Një aparat celular
- Dokumente të ndryshme
Ata do të hetohen nga prokuroria e Tiranës për veprat penale “Mashtrim”, “Fshehje e të ardhurave” dhe “Mospagim i taksave dhe tatimeve”.
Lajme të tjera
-
Tenton të shkojë në Greqi me pasaportë të falsifikuar, arrestohet në Kakavijë i riu nga Kosova
17 Shkurt 2022, 08:27 -
Të dënuar me burg për fshehje të ardhurash dhe falsifikim pasaportash e vizash, ndalohen në Tiranë dy persona
10 Qershor 2021, 12:06 -
Pasaporta false për në SHBA e Kanada, GJKKO mbyll hetimet, zbardhen 14 dënimet me burg për të arrestuarit e përfshirë në grup
10 Shkurt 2021, 14:31 -
Arrestohet turku në Kakavijë, hyri në Shqipëri më pasaportë të falsifikuar
12 Korrik 2020, 12:57
