POP 5

Lajmet më të lexuara të 5 minutave të fundit

Kronikë

Tiranë/ Zjarr gjatë natës në një azil privat në rrugën 'Ali Visha', 4 të moshuar në spital! VIDEO kur shpëtohen nga policia

Një azil privat ‘Joshua Center’, në rrugën ‘Ali Visha’ në Tiranë është përfshirë nga flakët, teksa shkak dyshohet se është bërë një batanije elektrike. 4 të moshuar mbetën të lënduar. 

 

Zjarri ka rënë rreth orës 00:15, ndërsa mësohet se 4 të moshuar kanë mbetur të lënduar dhe janë dërguar në spital për të marrë ndihmë mjekësore. Kanë qenë forcat policiore që u kanë ardhur në ndihmë, ndërsa në video dallohet edhe momenti kur policët nxjerrin të shpëtuarit nga azili.

Për Report Tv, foli edhe e afërmja e një të moshuari, e cila thotë se përgjegjësit e azilit u kanë thënë se shkak për flakët është bërë kondicioneri.

“Është i sëmurë me parkinson. Si duket është trondiur, nga zhurma, tymi, është tek Ushtaraku. Ne erdhëm për ta takuar, ca do thonë ata. Ka shpërthyer kondicioneri. Kishte 5 muaj që qëndronte këtu”, tregon ajo.

Policia ka shkuar në vendin e ngjarjes dhe ka nisur hetimin për zbardhjen e detajeve.

Rendit zhvillimet sipas orarit:
Ora 09:50
Azili në Tiranë përfshihet nga flakët, 4 të moshuar në spital! Policia ndihmoi në evakuimin e banorëve! VIDEO

Një godinë që funksiononte si azil për të moshuarit në rrugën “Ali Visha” në Tiranë është përfshirë nga flakët pak pas mesnatës së mbrëmshme.

Mësohet se 4 të moshuar janë dërguar në spital ku po marrin mjekim dhe ndodhen jashtë rrezikut për jetën.

“Më datë 05.10.2024, rreth orës 00:15, Policia ka marrë njoftim se në një azil në rrugën "Ali Visha", kishte rënë zjarr dhe të moshuarit që akomodohen në ambientet e azilit, kishin mbetur të bllokuar. Shërbimet e Komisariatit të Policisë Nr. 1, bashkë me shërbimet e Sektorit të Forcës së Posaçme "Shqiponja", kanë shkuar menjëherë në adresën e dhënë dhe në bashkëpunim me shërbimin zjarrfikës, kanë evakuuar banorët dhe kanë bërë të mundur fikjen e zjarrit. Janë dërguar në spital për ndihmë mjekësore 4 të moshuar, të cilët ndodhen jashtë rrezikut për jetën’ informoi sot në mëngjes policia e Tiranës.  

Nga këqyrja e vendit të ngjarjes dhe veprimet e para hetimore dyshohet se zjarri ka rënë aksidentalisht.

S.G/Shqiptarja.com

SI.E./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29