Një banesë në fshatin Rrile të Lezhës është përfshirë nga zjarri rreth orës 11:15, ku mësohet se prej flakëve ka humbur jetën një i moshuar. 

Mësohet se i moshuari që ka humbur jetën është Gjet Deda, 85 vjeç dhe se flakët janë shuar nga fqinjët e tij. Shërbimet e zjarrfikëses dhe policia  kanë mbërritur në vendngjarje dhe kanë nisur hetimet për të zbuluar shkakun e ngjarjes.

Sipas hetimeve të deritanishme, zjarri ka nisur pasi 85- vjeçari i kishte rënë cigarja në dyshek, i cili ka marrë flak shumë shpejtë, ku për shkak të moshës së thyer i moshuari nuk ka mundur të largohej.

Në momentin që ka ndodhur ngjarja, Gjet Deda ka qenë vetëm në banesë.

[gallery]24397[/gallery]
Njoftimi i policisë:

 Me datë 25.10.2017, ora 11:15 është marrë njoftim se në një banesë në Rrilë ka rënë zjarr. 

Menjëherë në vendngjarje kanë mbërritur shërbimet policore dhe zjarrfiksja për menaxhimin e situates. 

Banesa e cila është përfshirë nga flakët është private 1- katëshe dhe brenda saj ishte shtetasi Gj.D. 85 vjeç, i cili ka humbur jetën si pasojë e djegies së dhomes ku ai qëndronte. 

Vazhdojnë hetimet për përcaktimin e shkakut të zjarrit.